حکومت کا 6 ستمبر کو عام تعطیل کا اعلان

پنجاب حکومت نے عید میلاد النبی ﷺ کے موقع پر 12 ربیع الاول، بروز ہفتہ، عام تعطیل کا اعلان کر دیا ہے۔

تمام سرکاری دفاتر صوبے بھر میں بند رہیں گے، جبکہ سول سیکرٹریٹ، جو معمول کے مطابق ہفتے کو بند رہتا ہے، اپنی اسی روٹین کے مطابق بند رہے گا۔

اسپتالوں میں ایمرجنسی سروسز جاری رہیں گی تاہم انتظامی دفاتر اور آؤٹ پیشنٹ ڈپارٹمنٹس (او پی ڈیز) بند رہیں گے۔

یہ تعطیل حضور اکرم ﷺ کے یوم ولادت کی سالانہ تقریبات کا حصہ ہے، جن کے سلسلے میں پنجاب بھر میں مختلف مذہبی اور ثقافتی پروگرام منعقد کیے جائیں گے۔

یہ بھی پڑھیں: پانچویں اور چھٹی جماعت کے طلبا کے لئے پنجاب حکومت نے اہم فیصلہ کرلیا

رویتِ ہلال کمیٹی کے مطابق ربیع الاول کا چاند نظر نہیں آیا، جس کی تصدیق کے بعد عید میلاد النبی ﷺ 6 ستمبر کو منائی جائے گی۔

ہفتے کو تعطیل کے باعث پنجاب کے شہری دو روزہ ویک اینڈ سے لطف اندوز ہوں گے۔