برازیل کے سابق صدر بولسونارو بغاوت کی سازش میں مجرم قرار،27 سال قید

برازیل کی سپریم کورٹ نے سابق صدربولسونارو کو بغاوت کی سازش کا مجرم قرار دے دیا اور انہیں  27 سال اور 3 ماہ قید کی سزا بھی سنادی۔

برازیل کی سپریم کورٹ کے 5 رکنی بینچ کے 4 ججز نے سزا کے حق میں فیصلہ سنادیا جبکہ ایک جج نے انہیں تمام الزامات سے بری کرنے کے حق میں ووٹ دیا۔

یہ بھی پڑھیں:قطر پر حملے کا فیصلہ اسرائیلی وزیراعظم کا تھا میرا نہیں، امریکی صدر ٹرمپ

گھر میں نظر بند سابق صدر بولسونارو عدالت میں پیش نہیں ہوئے ، سابق صدر کے وکیل نے سپریم کورٹ فیصلے کے خلاف اپیل دائرکرنے کا اعلان کردیا، انہوں نے مطالبہ کیا کہ سماعت کے لیے 11 ججز  پر  مشتمل فل کورٹ تشکیل دیا جائے۔

امریکی صدر نے سزا کو مایوس کن قرار دیدیا

امریکی صدرڈونلڈ ٹرمپ نے برازیل کے سابق صدربولسونارو کی سزا مایوس کن قرار دےدی، صدر ٹرمپ نے میڈیا سے گفتگو میں کہا برازیلین سپریم کورٹ کا فیصلہ غیرمتوقع ہے۔

یہ بھی پڑھیں: اسرائیلی فوج کا قطر کے دارالحکومت دوحہ پر حملہ، حماس رہنما شہید

دوسری جانب عدالتی فیصلہ آنے کے بعد سابق برازیلین صدر بولسوناروکےحق میں متعدد شہروں میں مظاہرے شروع ہوگئے۔

یاد رہےکہ بولسونارو پر 2022 کے الیکشن کے بعد اقتدار پر قبضے کی کوشش کا الزام تھا۔