ایران نے اعلان کیا ہے کہ اس نے عالمی ایٹمی توانائی ایجنسی (آئی اے ای اے) کے ساتھ تمام تعاون معطل کر دیا ہے۔
ایرانی سپریم کونسل نے واضح کیا کہ جب تک ایران پر عائد پابندیاں نہیں ہٹتیں آئی اے ای اے کے ساتھ کسی قسم کا تعاون جاری نہیں رکھا جائے گا ایرانی قومی سلامتی کونسل کے بیان میں کہا گیا کہ یورپی ممالک نے اپنے اقدامات کے ذریعے ایٹمی تعاون کے تمام راستے خود بند کر دیے ہیں۔
قومی سلامتی کونسل نے برطانیہ، فرانس اور جرمنی کے حالیہ اقدامات پر سخت ردعمل دیا اور ان کی مذمت کی۔
یہ پیش رفت ایسے وقت میں سامنے آئی ہے جب گزشتہ روز اقوامِ متحدہ کی سلامتی کونسل میں ایران پر عائد پابندیوں کے خاتمے سے متعلق قرارداد پیش کی گئی تھی، جو منظور نہ ہو سکی۔
اس قرارداد کے خلاف 9 ممالک نے ووٹ دیا جن میں امریکا، برطانیہ، فرانس، ڈنمارک، یونان، پاناما، سیرالیون، صومالیہ اور سلواکیہ شامل ہیں۔
قرارداد کے حق میں صرف چار ممالک پاکستان، الجزائر، چین اور روس نے ووٹ دیا جبکہ گھانا اور جمہوریہ کوریا ووٹنگ کے دوران اجلاس میں شریک نہیں ہوئے۔
By 
