سعودی شاہی عدالت نے نئے مفتی اعظم کی تقرری کا اعلان کر دیا

شیخ ڈاکٹر صالح بن حمید کو سعودی عرب کا نیا مفتی اعظم مقرر کر دیا گیا ہے۔

حرمین شریفین کی خبریں نشر کرنے والے میڈیا پیج کے مطابق شاہی عدالت نے نئے مفتی اعظم اور علما کی سینئر کونسل کے سربراہ کی تقرری کا اعلان کیا ہے۔

یہ فیصلہ 23 ستمبر 2025 کو سابق مفتی اعظم شیخ عبدالعزیز بن عبداللّٰہ آل الشیخ کے انتقال کے بعد کیا گیا۔ شیخ ڈاکٹر صالح بن حمید سعودی عرب کے مفتی اعظم اور علما کی سینئر کونسل کے سربراہ کی حیثیت سے ذمہ داریاں سنبھالیں گے۔

شیخ ڈاکٹر صالح بن حمید 1949 میں البوکریہ میں پیدا ہوئے۔ وہ 1984 سے کعبہ کے امام کے طور پر خدمات انجام دے رہے ہیں اور اس سے قبل عرفات میں مسجد نمرہ میں خطبہ حج بھی دے چکے ہیں۔

یہ بھی پڑھیں: وزیراعظم اور صدر پاکستان کیجانب سے سعودی عرب کے قومی دن پر مبارکباد