پراپرٹی ٹیکس کی ادائیگی پر بڑی رعایت حاصل کرنے کا آخری دن

مالی سال 2025 کے پراپرٹی ٹیکس کی ادائیگی پر 5 فیصد رعایت حاصل کرنے کا آج آخری دن ہے۔ رعایت کی مقررہ آخری تاریخ 30 ستمبر ہے۔

محکمہ ایکسائز اینڈ ٹیکسیشن پنجاب کے مطابق ٹیکس گزاروں کی سہولت کے لیے ایکسائز دفاتر اور نامزد بینکوں کے کاؤنٹرز رات 9 بجے تک کھلے رہیں گے تاکہ شہری بروقت اپنے واجبات ادا کر سکیں۔

ڈائریکٹر جنرل ایکسائز اینڈ ٹیکسیشن پنجاب محمد عمر شیر چٹھہ نے کہا ہے کہ شہری 30 ستمبر تک اپنے ٹیکس جمع کرا کے 5 فیصد رعایت سے فائدہ اٹھائیں اور ذمہ دار و فرض شناس شہری ہونے کا ثبوت دیں۔

انہوں نے مزید کہا کہ ٹیکسوں کی بروقت ادائیگی صوبے کی ترقی اور عوامی فلاح و بہبود کے منصوبوں کی تکمیل میں اہم کردار ادا کرتی ہے۔

یہ بھی پڑھیں: پاکستان میں پہلی بار ’ورلڈ ریڈیوتھراپی آگاہی دن‘ کا انعقاد، نوری اسپتال ’اینکر سینٹر‘ قرار