بھارتی ریاست مدھیہ پردیش میں بھارتیا جنتا پارٹی (بی جے پی ) کے رہنما مہندرا نگر نے ساتھیوں کے ساتھ ملکر زمین بیچنے سے انکار پر کسان کو جیپ تلے کچل کر قتل کر دیا۔
بھارتی اخبار انڈیا ٹو ڈے کی رپورٹ کے مطابق بھارتی ریاست مدھیہ پردیش میں بی جی پی رہنما مہندرا نگر نے ساتھیوں کے ساتھ مل کر کسان رام سواروپ کو زمین بیچنے سے انکار پر جیپ سے کچل کر قتل کر دیا۔
بھارتی جریدے انڈیا ٹو ڈے کے مطابق مہندرا نگر نے ساتھیوں کے ساتھ ملکر رام سواروپ کو ڈنڈوں سے مارا، خواتین پر بدترین تشدد کیا اور گولیاں بھی چلائیں، اسلحہ کے زور پر زخمی کسان کو اسپتال لے جانے کی اجازت بھی نہیں دی ۔
بھارتی جریدے کے مطابق گنیش پورہ کے مقامی افراد نے بتایا کہ بی جے پی رہنماؤں نے ڈرا دھمکا کر 25 کسانوں کو زبردستی سستے داموں زمین بیجنے اور گاؤں چھوڑنے پر مجبور کیا۔
بھارتی قانون ساز اسمبلی کے رکن رشی اگروال نے نے مودی حکومت پر تنقید کرتے ہوئے کہا کہ بی جے پی انتظامیہ کی سرپرستی میں مدھیہ پردیش میں تشدد، لوٹ مار اور عصمت دری کے واقعات بڑھ گئے مودی سرکار کی ناکام پالیسیوں نے بھارت کے کسانوں کو قرض، بھوک اور خودکشیوں پر مجبور کر دیا ہے، بھارت میں کسانوں کو محروم رکھنے کے لیے حکومتی سطح پر مظالم کیے جا رہے ہیں۔
By 
