پی ٹی آئی سے منسوب جعلی ویٹرنز تنظیم کا گمراہ کن پروپیگنڈا بے نقاب

پی ٹی آئی سے منسلک سوشل میڈیا (ایکس ) پر ایک اکائونٹ کی طرف سے عوام کو گمراہ کرنے کے لیے ریٹائرڈ فوجیوں کے خلاف بے بنیاد پروپیگنڈہ کیا جارہا ہے جس کا حقیقت سے کوئی تعلق نہیں ہے ۔

آزاد فیکٹ چیک نے اس بات کی نشاندہی کی ہے کہ ایک ایسی جعلی تنظیم کی جانب سے گمراہ کن معلومات پھیلائی جا رہی ہیں جس کا کسی بھی سرکاری یا مستند سابق فوجی ادارے سے کوئی تعلق نہیں۔

رپورٹ کے مطابق یہ تنظیم خود کو پاکستانی سابق فوجیوں سے منسلک ظاہر کر رہی ہے، تاہم تحقیقات سے واضح ہوا ہے کہ اس کا کوئی باضابطہ یا سرکاری وجود نہیں اور یہ محض ایک غیر قانونی اور دھوکہ دہی پر مبنی سرگرمی ہے۔

Azaad Fact Check has identified a spread of disinformation by a PTI-affiliated imposter organization with no connection to any official body of Pakistani veterans. This organization is bogus and a scam operating in the name of veterans. pic.twitter.com/L4fvr1WCPZ

— Azaad Fact Check (@azaadfactcheck) May 19, 2026

فیکٹ چیک کے مطابق مذکورہ تنظیم کی جانب سے پھیلائی جانے والی معلومات مکمل طور پر من گھڑت ہیں اور اس کا مقصد عوام کو گمراہ کرنا اور غلط تاثر پیدا کرنا ہے۔

  اس طرح کی جعلی تنظیمیں سوشل میڈیا پر غلط معلومات پھیلا کر عوامی رائے کو متاثر کرنے کی کوشش کرتی ہیں، لہٰذا شہریوں کو چاہیے کہ کسی بھی خبر یا دعوے کو شیئر کرنے سے قبل اس کی تصدیق ضرور کریں۔