افغانستان: پنجشیر وادی میں طالبان حکومت کے خلاف دیواروں پر انقلابی نعرے درج

افغانستان کی پنجشیر وادی میں طالبان حکومت کے خلاف دیواروں پر انقلابی نعرے دیواروں درج کئے گئے ہیں جو علاقے میں جاری مزاحمت اور افغان طالبان کے خلاف عوام میں پائے جانے والے شدید غم و غصے کو ظاہر کرتا ہے۔

مقامی ذرائع کے مطابق، ان نعرہ بازیوں میں طالبان کے خلاف نفرت اور احتجاج کے جذبات کا اظہار کیا گیا ہے۔

مذکورہ نعرے دیواروں پر اس انداز میں لکھے گئے ہیں کہ طالبان کے جاسوسوں کو موت کی سزا دینے کا مطالبہ کیا گیا ہے۔ ان نعروں میں “طالبان کا جاسوس قتل کیا جائے گا” اور “این آر ایف، دہشت گردی کے خلاف” جیسے پیغامات شامل ہیں، جو طالبان حکومت کے خلاف مزاحمت کی شدت کو اجاگر کرتے ہیں۔

مزید برآں، ان نعروں میں ایک اور نعرہ “ہماری طاقت ہماری اتحاد میں ہے” بھی لکھا گیا ہے، جو علاقے میں لوگوں کے درمیان اتحاد کی اہمیت کو اجاگر کرتا ہے۔ اس کے علاوہ “جو اپنے لوگوں کے خلاف لڑے، اسے موت ہو” کا نعرہ، مقامی افراد کی طرف سے طالبان حکومت کے خلاف ان کے احتجاج کا واضح اظہار ہے۔

یہ بھی پڑھیں: تیراہ وادی میں سیکیورٹی فورسز کی بڑی کارروائی، افغان طالبان کی متعدد پوسٹیں تباہ

پنجشیر وادی میں یہ نعرے، طالبان کے قبضے کے بعد مقامی افراد کی جانب سے ایک مضبوط پیغام ہیں اور اس بات کی عکاسی کرتے ہیں کہ علاقے کے لوگ طالبان حکومت کے خلاف مزاحمت کرتے ہوئے کھل کر سامنے آگئے ہیں۔