لاہور: جعلی کرنسی استعمال کرنے پر ایس پی بلال قیوم کو نوکری سے فارغ

لاہور میں جعلی کرنسی کے استعمال سے متعلق تحقیقات کے بعد پولیس سروس آف پاکستان کے گریڈ 18 کے افسر بلال قیوم کو نوکری سے فارغ کر دیا گیا ہے۔

ایف آئی اے کی تحقیقات میں انکشاف ہوا کہ بلال قیوم نے اپنی گاڑی 50 لاکھ روپے میں عامر نامی شخص کو فروخت کی تھی، جو رقم بعد میں جعلی کرنسی کے استعمال میں ملوث پائی گئی۔

ذرائع کے مطابق جب ایف آئی اے نے معاملے کی تفصیلی چھان بین کی تو معلوم ہوا کہ یہ رقم براہِ راست بلال قیوم نے فراہم کی تھی۔ اس انکشاف کے بعد متعلقہ افسر کو پولیس سروس سے معطل کر کے سروس سے فارغ کر دیا گیا۔

بلال قیوم سپیشل برانچ، ٹیلی کمیونیکیشن اور دیگر برانچز میں تعینات رہ چکے ہیں اور ان کا کیریئر کئی اہم شعبوں میں رہا ہے۔ تاہم جعلی کرنسی کے معاملے میں ملوث ہونے کے بعد پولیس نے سخت کارروائی کی ہے تاکہ اس طرح کے واقعات کی دوبارہ روک تھام ممکن ہو سکے۔

پولیس حکام نے کہا ہے کہ انسدادِ جرائم اور جعلی کرنسی کے خلاف کارروائیاں جاری رہیں گی، اور تمام اہلکاروں کو قانون اور ضابطوں کے مطابق ذمہ داری نبھانے کی ہدایت دی گئی ہے۔

یہ بھی پڑھیں: اڈیالہ روڈ پولیس آپریشن علیمہ خان، ڈاکٹر عظمی اور نورین خان کو تحویل میں لے لیا گیا