امریکا نے ایک اور بحری بیڑہ ا یران کی طرف روانہ کردیا

امریکا نے یو ایس ایس ابراہیم لنکن کے بعد ایک اور بحری بیڑہ جارج واشنگٹن ایران کی طرف روانہ کردیا ہے۔

امریکی صدر ڈونلڈ ٹرمپ نے ریاست آئیووا میں وسط مدتی انتخابی مہم کے دوران ایک تقریب سے خطاب کرتے ہوئے کہا کہ ایک بحری بیڑہ ایران کی طرف بڑھ رہا ہے، انہیں امید ہے ایران اب امریکا کے ساتھ کسی معاہدے پر آمادہ ہوجائے گا۔ صدر ٹرمپ کا کہنا تھا کہ امریکا کا مقصد جنگ نہیں بلکہ اپنے مفادات کا تحفظ ہے۔

امریکی حکام کا مؤقف ہے کہ ان اقدامات کا مقصد خطے میں کشیدگی کم کرنا اور ایران کے جوہری و عسکری پروگرام پر کنٹرول حاصل کرنا ہے۔

امریکی میڈیا نے یہ دعویٰ بھی کیا ہے کہ واشنگٹن ایران پر دباؤ بڑھانے کے لیے نیول بلاکیڈ پر غور کر رہا ہے تاکہ ایران کسی بھی ملک کو تیل برآمد نہ کر سکے۔

مزید پڑھیں:ایران نے جلد معاہدہ نہ کیا تو شدید حملہ کریں گے،ٹرمپ کی دھمکی

دوسری جانب ایران نے امریکی اقدامات کو اشتعال انگیز قرار دیتے ہوئے اپنی فوجی تیاریوں میں اضافہ کردیا ہے۔ ایرانی حکام کے مطابق آبنائے ہرمز میں فوجی مشقیں شروع کردی گئی ہیں تاکہ کسی بھی ممکنہ خطرے کا جواب دیا جا سکے۔