By ملکی معیشت کے حوالے سے ایک مثبت اور حوصلہ افزا خبر سامنے آئی ہے، جس کے مطابق پاکستان کے زرمبادلہ کے مجموعی ذخائر میں نمایاں بہتری دیکھی جا رہی ہے۔
اسٹیٹ بینک آف پاکستان کی جانب سے جاری کردہ تازہ ترین رپورٹ کے مطابق 3 اپریل 2026 تک ملک کے مجموعی زرمبادلہ کے ذخائر 21 ارب 89 کروڑ 49 لاکھ ڈالر کی سطح پر پہنچ گئے ہیں۔
اسٹیٹ بینک کے ترجمان کے مطابق ان ذخائر میں سرکاری اور نجی دونوں شعبوں کا اہم حصہ شامل ہے۔ سرکاری ذخائر میں ایک کروڑ 90 لاکھ ڈالر کا مزید اضافہ ریکارڈ کیا گیا، جس کے بعد اسٹیٹ بینک کے پاس موجود ذخائر کی سطح 16 ارب 40 کروڑ ڈالر تک پہنچ گئی ہے۔
دوسری جانب، ملک کے کمرشل بینکوں کے پاس بھی 5 ارب 49 کروڑ 46 لاکھ ڈالر کے ذخائر موجود ہیں۔
معاشی ماہرین زرمبادلہ کے ذخائر میں اس استحکام کو ملکی کرنسی کی قدر میں بہتری اور بیرونی ادائیگیوں کے حوالے سے ایک مضبوط اشارہ قرار دے رہے ہیں۔ ذخائر میں یہ اضافہ معاشی پالیسیوں پر اعتماد اور مالیاتی استحکام کی عکاسی کرتا ہے، جس سے آنے والے دنوں میں معیشت پر مثبت اثرات مرتب ہوں گے۔
مزید پڑھیں: ماہر معاشی امور نجیب خالد نے موجودہ حالات میں سبسڈی کو معیشت کیلئے زہر قرار دیدیا
