موسم مزید سرد، محکمہ موسمیات کی بارش اور برفباری کی پیشگوئی

محکمہ موسمیات نے آئندہ دنوں میں بارش کی پیشگوئی کرتے ہوئے خبردار کیا ہے کہ اس کے نتیجے میں ملک کے مختلف حصوں میں سردی کی شدت میں اضافہ ہو سکتا ہے۔

یہ بھی پڑھیں:ملک میں مزید سردی یا بارشیں ؟ محکمہ موسمیات کی پیشگوئی آگئی

محکمہ موسمیات کے مطابق کراچی میں منگل سے بدھ کے دوران مغربی ہواؤں کا ایک نیا سسٹم اثر انداز ہونے کا امکان ہے جس کے باعث موسم مزید سرد ہو جائے گا۔

محکمہ موسمیات کا کہنا ہے کہ 28 دسمبر سے مغربی ہواؤں کا یہ سلسلہ ملک کے بالائی علاقوں کو متاثر کرے گا، جس کے نتیجے میں موسم سرد اور خشک سے سرد اور مرطوب ہو سکتا ہے۔

یہ بھی پڑھیں:پاکستان بھر میں بارشیں، پہاڑوں پر برف باری کب شروع ہو رہی ہیں؟، محکمہ موسمیات کی تازہ پیش گوئی جاری

پیشگوئی کے مطابق 29 دسمبر کو بلوچستان اور اس سے ملحقہ علاقوں میں بارش متوقع ہے، جبکہ بعض مقامات پر تیز ہوائیں بھی چل سکتی ہیں۔

محکمہ موسمیات کے مطابق 30 دسمبر کو کراچی میں بھی بارش کا امکان ظاہر کیا جا رہا ہے، جس سے شہر میں درجہ حرارت مزید کم ہو سکتا ہے۔

مزید پڑھیں:محکمہ موسمیات نے ملک کے مختلف علاقوں میں بارش اور برفباری کی پیشگوئی کردی

ماہرین نے شہریوں کو ہدایت کی ہے کہ سرد موسم کے پیش نظر احتیاطی تدابیر اختیار کریں، خاص طور پر بزرگوں اور بچوں کا خاص خیال رکھا جائے۔

یہ بھی پڑھیں:ملک کے مختلف حصوں میں بارش و برفباری سے موسم سرد، مزید بارشیں متوقع

واضح رہے کہ اس سے قبل 18 دسمبر کو بھی محکمہ موسمیات نے 20 سے 22 دسمبر کے دوران ملک کے مغربی اور بالائی علاقوں میں بارش اور پہاڑی علاقوں میں برفباری کی پیشگوئی کی تھی، جو کئی علاقوں میں درست ثابت ہوئی۔ محکمہ موسمیات نے آئندہ دنوں میں موسم کی تازہ صورتحال سے عوام کو بروقت آگاہ کرنے کا عندیہ بھی دیا ہے۔