پی ٹی آئی کے موقف سے لگ رہا ہے کہ وہ پی ٹی ایم میں تبدیل ہونے جارہی ہے، حسن ایوب

معروف تجزیہ کار اور سیاسی مبصر حسن ایوب نے پاکستان تحریک انصاف (پی ٹی آئی) کے حالیہ سیاسی مؤقف بارے کہا ہے کہ پی ٹی آئی کے موجودہ طرزِ سیاست سے لگ رہا ہے کہ پی ٹی آئی آہستہ آہستہ پشتون تحفظ موومنٹ (پی ٹی ایم) میں تبدیل ہورہی ہے۔

ان کا کہنا تھا کہ جب بھی پی ٹی آئی پر تنقید کی جاتی ہے یا اس کے اقدامات پر سوال اٹھایا جاتا ہے تو پارٹی کی جانب سے فوری طور پر “پشتون کارڈ” استعمال کیا جاتا ہے جس سے سیاسی اختلاف کو نسلی یا علاقائی رنگ دینے کی کوشش کی جاتی ہے۔

یہ بھی پڑھیں :حکومت کو چھ ماہ کی مہلت اور ونڈر بوائے سے متعلق قیاس آرائیاں بے بنیاد ہیں، حکومت اور فوج ایک پیج پر ہیں: حسن ایوب

حسن ایوب کا کہنا تھا کہ پی ٹی آئی کا یہ طرزِ عمل ایک سوچے سمجھے منصوبے کا حصہ دکھائی دیتا ہے، ان کا کہنا تھا کہ پارٹی کی حکمتِ عملی یہ ہے کہ 8 فروری تک ملک میں یہ تاثر قائم کر دیا جائے کہ پشتو توں کے ساتھ زیادتی اور ظلم ہو رہا ہے۔

اس بیانیے کا مقصد سیاسی ہمدردیاں حاصل کرنا اور ریاستی اداروں پر دباؤ بڑھانا ہے  تاکہ مجموعی سیاسی فضا کو متنازع بنایا جا سکے۔ لیکن تحریک انصاف اس بیانے میں ناکام ہوگی۔