اسلام آباد ،پاکستان سمیت4 برادر ممالک کا اہم اجلاس، مشترکہ تعاون بڑھانے پر اتفاق

اسلام آباد میں 4 برادر ممالک پاکستان، سعودی عرب، ترکیہ اور مصر کے سینئر حکام کا اہم اجلاس ، علاقائی اور عالمی امور پر مشاورت کی گئی۔ترجمان دفتر خارجہ کے مطابق اجلاس میں چاروں ممالک کے درمیان مشترکہ تعاون کے فریم ورک کی تشکیل پر اتفاق کیا گیا، جس کا مقصد باہمی روابط کو مزید مضبوط بنانا ہے جبکہ اجلاس میں امن، ترقی اور اقتصادی تعاون کے فروغ پر زور دیا گیا۔

🔊PR No.1️⃣0️⃣1️⃣/2️⃣0️⃣2️⃣6️⃣

Senior Officials Meeting of Pakistan, Saudi Arabia, Türkiye and Egypt, held in Islamabad (14th April, 2026)

🔗⬇️ pic.twitter.com/8QfrHWSpKt

— Ministry of Foreign Affairs – Pakistan (@ForeignOfficePk) April 14, 2026

اجلاس 29 مارچ کو ہونے والے وزرائے خارجہ کے مشاورتی اجلاس کے تسلسل میں منعقد کیا گیاجس کا مقصد باہمی تعاون کو مزید فروغ دینا اور مشترکہ حکمت عملی وضع کرنا تھا۔اجلاس میں پاکستانی وفد کی قیادت ایڈیشنل سیکرٹری خارجہ و ترجمان دفترخارجہ سفیر طاہر اندرابی نے کی، ترکیہ، مصر اور سعودی عرب کے وفود کی قیادت بالترتیب نائب وزیر خارجہ سفیر موسیٰ کولاکلکایا، اسسٹنٹ وزیر خارجہ سفیر ناظح النگاری اور ڈائریکٹر جنرل وزارت خارجہ شہزادہ ڈاکٹر عبداللہ بن خالد بن سعود الکبیر السعود نے کی۔