ہانیہ عامر اور عاصم اظہر پھر خبروں میں، بینڈانا نے سوشل میڈیا پر ہلچل مچا دی

پاکستان شوبز کے دو بڑے نام ہانیہ عامراور عاصم اظہرایک بار پھر سوشل میڈیا کی توجہ کا مرکز بن گئے ہیں۔دونوں فنکار ماضی میں اپنے تعلق اور پھر بریک اپ کی وجہ سے کافی عرصے تک خبروں میں رہے تاہم حالیہ دنوں میں انہیں ایک ساتھ کئی بار دیکھا گیا ہے، جس کے بعد مداحوں میں چہ مگوئیاں تیز ہو گئی ہیں۔

حال ہی میں ہانیہ عامر کو عاصم اظہر کے امریکہ میں ہونے والے کنسرٹ میں دیکھا گیا، جہاں وہ چہرہ چھپائے ایک بینڈانا پہنے نظر آئیں۔ خاص بات یہ تھی کہ اس بینڈانا پر ’عاصم علی‘ لکھا ہوا تھا جو عاصم اظہر کا اصل نام بھی ہے اور ان کے نئے البم سے بھی منسلک ہے۔

یہ بھی پڑھیں :ڈرامہ کردار جنہوں نے پاکستانی اداکاروں کے کیریئر کا رخ بدل دیا

یہ منظر سامنے آتے ہی سوشل میڈیا پر صارفین کی رائے تقسیم ہو گئی۔ کچھ لوگوں نے اسے محبت کا اظہار قرار دیا جبکہ کئی صارفین نے اس پر تنقید بھی کی۔

کچھ کمنٹس میں اسے غیر ضروری ڈرامہ قرار دیا گیا جبکہ کچھ مداحوں نے کہا کہ شاید یہ واقعی دونوں کے درمیان دوبارہ قربت کی علامت ہو سکتی ہے۔

یہ بھی پڑھیں :ہانیہ عامر کے نئے فیشن شوٹ نے سوشل میڈیا پر دھوم مچا دی

ابھی تک نہ ہانیہ عامر اور نہ ہی عاصم اظہر کی جانب سے اس حوالے سے کوئی واضح بیان سامنے آیا ہے، جس کی وجہ سے قیاس آرائیاں مزید بڑھتی جا رہی ہیں۔

سوشل میڈیا پر یہ معاملہ اس وقت ٹاپ ٹرینڈز میں شامل ہے اور مداح مسلسل اس کی حقیقت جاننے کی کوشش کر رہے ہیں۔