ایک لیٹرپیٹرول اور ڈیزل پر کتنا ٹیکس ؟ تفصیلات سامنے آگئیں

پاکستان میں پیٹرول اور ڈیزل کی قیمتوں سے متعلق فی لیٹر ایندھن میں شامل ٹیکسز کی تفصیلات واضح کر دی گئی ہیں۔

وزارت توانائی کے ذرائع کے مطابق ایک لیٹر پیٹرول کی قیمت میں 32 فیصد ٹیکسز ہیں، ایک لیٹر پیٹرول کی قیمت میں129 روپے 72پیسے کے ٹیکسز شامل ہیں۔

فی لیٹر پیٹرول میں 23 روپے 72 پیسے کسٹم ڈیوٹی جبکہ 103روپے 50 پیسے لیوی اور 2 روپے 50 پیسے کلائمیٹ سپورٹ لیوی شامل ہے۔

یہ بھی پڑھیں :پیٹرول و ڈیزل کی قیمتوں میں اضافہ، مگر ایک پراڈکٹ میں عوام کو ریلیف مل گیا

ذرائع کا کہنا ہے کہ ایک لیٹر ڈیزل کی قیمت میں21 فیصد ٹیکس شامل ہیں، فی لیٹر ڈیزل کی قیمت میں 82 روپے 81 پیسے ٹیکسز کے ہیں۔

ایک لیٹر ڈیزل کی قیمت میں51 روپے 62 پیسے کسٹم ڈیوٹی عائد ہے اور فی لیٹر ڈیزل کی قیمت میں 28 روپے 69 پیسے لیوی جبکہ 2 روپے 50 پیسے کلائمیٹ سپورٹ لیوی شامل ہے۔

یہ بھی پڑھیں : تیل بحران سنگین ہونے کے باعث عالمی معیشت میں ہلچل ، مہنگائی کا نیا طوفان آنے کو تیار

ان اعداد و شمار سے واضح ہوتا ہے کہ ملک میں ایندھن کی قیمتوں کا بڑا حصہ براہ راست ٹیکسز اور حکومتی محصولات پر مبنی ہے ، یہی وجہ ہے کہ عالمی منڈی میں قیمتوں میں معمولی اتار چڑھاؤ کے باوجود مقامی سطح پر قیمتوں میں  فرق محسوس کیا جاتا ہے،  ماہرین کے مطابق ٹیکسز کی یہ بلند شرح عوام پر اضافی مالی بوجھ ڈالتی ہے، جبکہ معیشت کے دیگر شعبے بھی اس سے متاثر ہوتے ہیں۔