انمول پنکی سے متعلق تفتیش میں نیا اور اہم پہلو سامنے آیا ہے جس میں اس کے مبینہ طور پر مادے کی مقدار بڑھانے کے طریقہ کار اور اس سے جڑے تکنیکی دعوؤں پر تفصیلی غور کیا جا رہا ہے۔ ذرائع کے مطابق تحقیقاتی ٹیم اس پہلو کا جائزہ لے رہی ہے کہ کس طرح مبینہ طور پر کم مقدار کو زیادہ مقدار میں ظاہر یا تبدیل کرنے کا عمل کیا جاتا تھا۔
گرام کی تفتیشی ذرائع کے مطابق ابتدائی شواہد میں یہ بات سامنے آئی ہے کہ ملزمہ کے نیٹ ورک میں بعض مراحل ایسے تھے جن میں ابتدائی طور پر 300گرام کھیپ کو مختلف کیمیکل اور اضافی اجزاء کے مبینہ استعمال کے ذریعےبڑھا کر ایک کلو تک کیا جاتا تھا۔ حکام کے مطابق یہ عمل انتہائی منظم انداز میں مخصوص یونٹس میں کیا جاتا تھا جہاں مختلف مراحل کے ذریعے اصل مقدار میں اضافہ ظاہر کیا جاتا تھا۔
ذرائع کا کہنا ہے کہ اس مبینہ عمل میں پہلا مرحلہ خام مواد کی تیاری دوسرا مرحلہ اس میں مختلف اجزاء کی آمیزش اور تیسرا مرحلہ حتمی پیکنگ اور تقسیم کا بتایا جا رہا ہے۔ تفتیشی ٹیم اس بات کا بھی جائزہ لے رہی ہے کہ آیا یہ اضافہ صرف ظاہری طور پر ہوتا تھا یا اس میں واقعی مقدار اور معیار میں تبدیلی کی جاتی تھی۔
پولیس ذرائع کے مطابق اس مبینہ نیٹ ورک میں مخصوص افراد ایسے بھی شامل تھے جو اس عمل کی نگرانی کرتے تھے اور ہر مرحلے پر مقدار اور معیار کو جانچنے کا کردار ادا کرتے تھے۔ تفتیش میں یہ بھی سامنے آیا ہے کہ یہ نظام انتہائی منظم انداز میں چلایا جاتا تھا تاکہ ترسیل کے وقت کسی بھی قسم کی شناخت یا خرابی سامنے نہ آئے۔
انمول پنکی مبینہ طور پر اس پورے نظام کو خود نگرانی میں رکھتی تھی اور مختلف مراحل میں معیار کی جانچ کے لیے خود بھی کردار ادا کرتی تھی۔ تاہم حکام نے واضح کیا ہے کہ یہ تمام تفصیلات ابتدائی تفتیش پر مبنی ہیں اور حتمی نتیجہ فرانزک اور مزید شواہد کے بعد ہی سامنے آئے گا۔
تحقیقات جاری ہیں اور امکان ظاہر کیا جا رہا ہے کہ اس نیٹ ورک کے مزید پہلو بھی جلد سامنے آسکتے ہیں جن سے اس مبینہ عمل کی مکمل تصویر واضح ہو سکے گی۔
By 
