امریکا نے ایران کے خلاف نئے فضائی حملوں کا آغاز کر دیا ، بند ر عباس، سیریک میں دھماکوں کی آوازیں

امریکی فوج نے ایران کے خلاف مزید حملوں کا آغاز کر دیا، ایرانی میڈیا کے مطابق جنوبی شہر بندر عباس میں متعدد دھماکوں کی آوازیں سنی گئی ہیں ۔
امریکی سینٹرل کمانڈ (سینٹکام) نے  سوشل میڈیا پلیٹ فارم ایکس  پر جاری اپنے بیان میں کہا ہے کہ امریکی افواج نے ایران کے خلاف نئی کارروائیاں شروع کر دی ہیں۔ بیان کے مطابق ان حملوں کا مقصد ایران کی اس صلاحیت کو مزید کمزور کرنا ہے جس کے ذریعے وہ آبنائے ہرمز سے گزرنے والے شہری اور تجارتی بحری جہازوں کو نشانہ بنا سکتا ہے۔

At 5 p.m. ET today, U.S. Central Command forces began launching more strikes against Iran to continue degrading their ability to attack civilian mariners and commercial ships freely transiting the Strait of Hormuz. The Commander in Chief has directed the strikes to hold Iranian…

— U.S. Central Command (@CENTCOM) July 12, 2026

سینٹکام کا کہنا ہے کہ امریکی کمانڈر اِن چیف کی ہدایت پر یہ حملے کیے جا رہے ہیں تاکہ ایرانی افواج کو ان کے اقدامات پر جواب دہ ٹھہرایا جا سکے اور خطے میں بین الاقوامی بحری نقل و حمل کے تحفظ کو یقینی بنایا جا سکے۔

 یہ بھی پڑھیں :امریکہ کے جنوبی ایران پر فضائی حملے ، مخصوص اہداف کو نشانہ بنایاگیا، سینٹ کام کی تصدیق

دوسری جانب ایرانی میڈیا نے رپورٹ کیا ہے کہ ایران کے جنوبی ساحلی شہر بندر عباس میں کئی دھماکوں کی آوازیں سنی گئی ہیں۔ تاہم دھماکوں کی نوعیت، ہدف یا ممکنہ جانی و مالی نقصان کے حوالے سے فوری طور پر کوئی سرکاری تفصیلات جاری نہیں کی گئیں۔