سوشل میڈیا پر بلوچ آزادی پسند جنگجوؤں نے ضلع چاغی کے پورے شہر کا کنٹرول ، پولیس اور لیویز کے ہیڈکوارٹرز سمیت سرکاری عمارتوں پر قبضے سے متعلق چلنے والی معلومات گمراہ کن اور جعلی ہیں۔
آزاد فیکٹ چیک کے مطابق مسلح گروہ کے ترجمان سے منسوب بیان، جس میں چاغی شہر پر مکمل کنٹرول، پولیس اور لیویز کے مراکز پر قبضے، مختلف سرکاری عمارتوں کے کنٹرول اور سکیورٹی فورسز سے اسلحہ قبضے میں لینے کے دعوے کیے گئے تھے، حقائق سے مطابقت نہیں رکھتے۔
فیکٹ چیک کے مطابق دستیاب شواہد اور تصدیق شدہ معلومات کی بنیاد پر یہ دعوے درست ثابت نہیں ہوئے، لہٰذا انہیں جعلی قرار دیا گیا ہے۔
سیاسی تجزیہ کاروں کا کہنا ہے کہ عوام سوشل میڈیا پر گردش کرنے والے ایسے غیر مصدقہ دعوؤں پر یقین کرنے سے گریز کریں اور کسی بھی حساس معاملے میں صرف مستند اور تصدیق شدہ ذرائع سے حاصل ہونے والی معلومات پر انحصار کریں۔
By 
