انوکھی مکڑی جو جال نہیں بنتی، پھر بھی شکار ہاتھ سے نہیں جانے دیتی

ہیدر کرب اسپائیڈراپنی منفرد شکاری حکمت عملی کی بدولت فطرت کی حیرت انگیز مخلوقات میں شمار ہوتی ہے۔ یہ مکڑی جال بنانے کے بجائے پھولوں کی پنکھڑیوں میں اس مہارت سے خود کو چھپا لیتی ہے کہ شہد کی مکھیاں اور دیگر جرگ بردار کیڑے اسے آسانی سے دیکھ نہیں پاتے۔

یہ بھی پڑھیں :خطرہ محسوس ہونے پر مرنے کی ا یکٹنگ کر نیوالی چیونٹیاں

ماہرین کے مطابق یہ مکڑی اپنے جسم کا رنگ پھولوں کے مطابق ڈھال لیتی ہے، جس سے وہ تقریباً نظروں سے اوجھل ہو جاتی ہے۔ جب کوئی شہد کی مکھی یا دوسرا کیڑا اس کے قریب آتا ہے تو یہ کئی لمحوں تک بالکل ساکت رہتی ہے اور مناسب موقع ملتے ہی اپنی طاقتور اگلی ٹانگوں کی مدد سے شکار کو دبوچ لیتی ہے۔

دیگر کئی مکڑیوں کے برعکس ہیدر کرب اسپائیڈر شکار کے لیے جال نہیں بنتی، بلکہ صبر، بہترین چھلاوے اور برق رفتار حملے پر انحصار کرتی ہے۔ یہی منفرد طریقہ اسے فطرت کے انتہائی مؤثر شکاریوں میں شامل کرتا ہے۔