دنیا کے معروف یوٹیوبر مسٹر بیسٹ شادی کے بندھن میں بندھ گئے ، تصاویر وائرل

دنیا کے معروف یوٹیوبر مسٹر بیسٹ اپنی دیرینہ دوست اور گیمنگ اسٹریمر تھیا بوئسن کے ساتھ رشتہ ازدواج میں منسلک ہوگئے ۔

تفصیلات کے مطابق مسٹر بیسٹ نے میٹا کی زیر ملکیت ایپ انسٹاگرام پر اپنی شادی کی دلفریب تصاویر شیئر کرتے ہوئے مداحوں کے ساتھ اس خوشخبری کو شیئر کیا ہے۔

انہوں نے اپنی پوسٹ کے عنوان میں لکھا ہے کہ مجھے مسز بیسٹ مل گئی اور یہ میری زندگی کا بہترین دن تھا۔

 

View this post on Instagram

 

A post shared by MrBeast (@mrbeast)

سوشل میڈیا پر جاری ان تصاویر میں نوبیاہتا جوڑا انتہائی مسرور  اور رومانوی انداز میں نظر آیا، 28 سالہ مسٹر بیسٹ نے اپنی شادی کے موقع پر کریم رنگ کا ٹکسیڈو اور سیاہ بو ٹائی زیب تن کی جبکہ دلہن تھیا بوئسن نفیس لیس سے مزین سفید عروسی جوڑے میں ملبوس تھیں، دونوں کی تصاویر محبت، خوشی اور جشن کی بھرپور عکاسی کررہی ہیں۔

دونوں کی پہلی ملاقات 2022ء میں جنوبی افریقا میں ایک مشترکہ دوست کے ذریعے ہوئی، جہاں یوٹیوب، سائنس اور سیکھنے کے مشترکہ شوق نے انہیں ایک دوسرے کے قریب کر دیا۔

بعد ازاں جنوری 2025ء میں مسٹر بیسٹ نے منفرد انداز میں اپنی منگنی کا اعلان کیا تھا، جس نے سوشل میڈیا پر خاصی توجہ حاصل کی تھی۔

26 سالہ تھیا بوئسن جنوبی افریقا سے تعلق رکھنے والی معروف کنٹینٹ کری ایٹر، مصنفہ اور گیمنگ اسٹریمر ہیں، جنہوں نے اسٹیلن بوش یونیورسٹی سے قانون میں بیچلرز اور نفسیات میں آنرز کی ڈگری حاصل کی، جبکہ بعد ازاں یونیورسٹی آف ایڈنبرا سے ہیومن کاگنیٹو نیورو سائیکالوجی میں ماسٹرز مکمل کیا۔

یہ بھی پڑھیں :دنیا کے نمبرون یوٹیوبر اور سوشل میڈیا انفلوئنسر مسٹر بیسٹ نے منگنی کرلی

تھیا 2016ء سے ٹوئچ اور یوٹیوب پر اسٹریمنگ کر رہی ہیں، جہاں وہ خاص طور پر اسٹریٹجی کارڈ گیمز کھیلنے کے لیے جانی جاتی ہیں۔

دونوں کی شادی ان کے تعلقات میں ایک نئے اور خوشگوار باب کا آغاز ہے، شادی کی تصاویر سامنے آنے کے بعد دنیا بھر سے مداحوں نے اس جوڑے کو مبارکباد دیتے ہوئے نیک تمناؤں کا اظہار کررہے ہیں ۔