پی ٹی آئی رہنماؤں کی عبوری ضمانت میں توسیع ، عدالت نے 29 اکتوبر تک گرفتاری سے روک دیا

انسدادِ دہشت گردی عدالت اسلام آباد سے پی ٹی آئی رہنماؤں کو مختلف مقدمات میں بڑا ریلیف مل گیا۔

انسدادِ دہشت گردی عدالت اسلام آباد نے پی ٹی آئی رہنماؤں کے خلاف 26 نومبر کے احتجاج، سنگجانی جلسے، سپریم کورٹ کے باہر احتجاج اور دیگر مقدمات میں دائر 230 سے زائد عبوری ضمانت کی درخواستوں میں توسیع کرتے ہوئے متعلقہ رہنماؤں کو 29 اکتوبر تک گرفتار نہ کرنے کا حکم دے دیا۔

انسداددہشت گردی عدالت اسلام آباد  کے جج ابوالحسنات محمد ذوالقرنین نے پی ٹی آئی رہنماوں کے خلاف 26 نومبر ،سنگجانی جلسہ ،سپریم کورٹ کے باہر احتجاج ودیگر مقدمات کی سماعت  کی ،  رہنما تحریک انصاف  جنید اکبر ،رؤف حسن، عبدالقیوم نیازی اوردیگر عدالت میں پیش ہوئے۔

یہ بھی پڑھیں :9 مئی مقدمہ : رہنما پی ٹی آئی میاں محمود الرشید نے ضمانت کیلئے اپیل دائر کر دی

عدالت نے پی ٹی آئی رہنماؤں کی 230 سے زائد ضمانت کی درخواستوں میں توسیع کرتے ہوئے متعلقہ رہنماؤں کو 29 اکتوبر تک گرفتار نہ کرنے کا حکم دے دیا۔

انسداد دہشتگردی عدالت کے نے کیس پر سماعت کی،عدالت نے کیس کی اگلی سماعت میں فریقین کو دلائل دینے کی ہدایت کردی۔

پی ٹی آئی رہنماؤں کیخلاف تھانہ ترنول، رمنا ،آبپارہ، سیکریٹرٹ اوردیگر میں مقدمات درج ہیں۔

یہ بھی پڑھیں :آزاد کشمیر کی سیاست میں بڑی تبدیلی ! پی ٹی آئی کے متعدد رہنما مسلم لیگ ن میں شامل

یاد رہے کہ گزشتہ روز وفاقی آئینی عدالت میں پاکستان تحریک انصاف کے رہنما میاں محمود الرشید نے اپنی ضمانت کے لیے اپیل دائر کرتے ہوئے لاہور ہائیکورٹ کا 28 اپریل کا فیصلہ کالعدم قرار دینے کی استدعا کی تھی ۔