بادشاہ چارلس کو پاکستانی ٹیم کا خاص تحفہ

پاکستان کرکٹ ٹیم نے برطانیہ کے بادشاہ چارلس سے ملاقات کی، جو شاہی خاندان کی تاریخی رہائش گاہ کلیئرنس ہاؤس میں ہوئی۔

ملاقات کے دوران بادشاہ چارلس نے قومی ٹیم کے کھلاڑیوں اور آفیشلز سے گفتگو کی۔ تقریب میں پاکستان کرکٹ بورڈ کے چیئرمین محسن نقوی بھی موجود تھے۔

یہ بھی پڑھیں:کنگ چارلس سے پاکستانی کرکٹ ٹیم کی ملاقات، محسن نقوی سے کرکٹ اور امن و امان پر گفتگو

اس موقع پر پاکستان ٹیم کی جانب سے بادشاہ چارلس کو ایک خصوصی بیٹ پیش کیا گیا، جس پر قومی ٹیم کے کھلاڑیوں کے دستخط موجود تھے۔ ٹیسٹ ٹیم کے کپتان بابراعظم نے بادشاہ چارلس کو یہ بیٹ پیش کیا۔بیٹ دیکھ کر بادشاہ چارلس نے محسن نقوی سے دلچسپ سوال کیا کہ کیا یہ بیٹ پاکستانی لکڑی سے تیار کیا گیا ہے؟

جس پر چیئرمین پی سی بی محسن نقوی نے جواب دیا کہ یہ پاکستان کرکٹ ٹیم کی جانب سے آپ کے لیے خصوصی تحفہ ہے۔