شیر افضل مروت کو گرفتاری کے بعد رہا کر دیا گیا

پاکستان تحریک انصاف (پی ٹی آئی ) کے رہنما شیر افضل مروت کو گرفتاری کے بعد پولیس نے رہا کر دیا ہے۔

ذرائع کے مطابق شیر افضل مروت کی جانب سے پولیس یقین دھانی کروائی گئی کہ وہ انتشار نہیں پھیلائیں گے جس کے بعد پولیس نے انہیں رہا کر دیا۔رہائی کے بعد شیر افضل مروت نے اپنے ایک ویڈیو پیغام میں کہا کہ پولیس والوں نے ہم پر دھاوا بولا ہے، انہوں نے تمام لوگوں کو ای الیون مرکزی پہنچنے کی ہدایت کی ہے۔

یہ بھی پڑھیں: جنرل فیض حمید کیا، کیا کرتے رہے؟جاوید چودھری کے کالم میں تہلکہ خیز انکشافات

قبل ازیں اسلام آباد پولیس نے پاکستان تحریک انصاف (پی ٹی آئی) کے رہنما شیر افضل مروت کو گرفتار کیا تھا۔ ترنول پہنچنے پر پولیس کی بھاری نفری نے شیر افضل مروت کو گرفتار کرکے گولڑہ تھانے منتقل کردیا۔ پی ٹی آئی نے آج اسلام آباد میں ہونے والا جلسہ ملتوی کر دیا ہے۔

تاہم پی ٹی آئی کے کارکن اسلام آباد جانے کے لیے لاہور میں ٹھوکر نیاز بیگ میں جمع ہونا شروع ہوگئے تھے جس کے بعد پولیس انہیں اسلام آباد پہنچنے سے روکنے کے لیے ٹھوکر میں جمع ہوگئی۔ پولیس پہلے ہی خواتین ونگ کی لاہور جنرل سیکریٹری سمیت دو خواتین اور ایک ڈرائیور کو حراست میں لے چکی ہے۔

پی ٹی آئی کے جلسے کے پیش نظر انتظامیہ اور پولیس نے مین جی ٹی روڈ پر کنٹینرز لگا دیے جس سے مسافروں کو شدید مشکلات کا سامنا کرنا پڑا۔

خیال رہے کہ پاکستان تحریک انصاف (پی ٹی آئی) نے اسلام آباد کا جلسہ ملتوی کر دیا گیا ہے۔ پاکستان تحریک انصاف (پی ٹی آئی) نے آج اسلام آباد میں ہونے والا جلسہ ملتوی  کیا گیا۔ یہ فیصلہ پی ٹی آئی کے بانی عمران خان کی ہدایت پر کیا گیا تھا۔ تحریک انصاف کے رہنما اعظم سواتی نے اڈیالہ جیل میں عمران خان سے ملاقات کی۔ اعظم سواتی نے کہا کہ عمران خان نے ہدایت کی تھی کہ کسی بھی بدامنی سے بچنے کے لیے جلسے کو ملتوی کیا جائے۔