By پاکستان کرکٹ بورڈ (پی سی بی) نے چیمپئنز ون ڈے کپ ٹیموں کے 5 مینٹورز کا اعلان کر دیا۔
تفصیلات کے مطابق مینٹورز میں قومی ٹیم کے سابق کپتان مصباح الحق، ثقلین مشتاق، سرفراز احمد، شعیب ملک اور وقار یونس کے نام شامل ہیں، ان مینٹورز کا پہلا اسائنمنٹ 12 ستمبر سے فیصل آباد میں شروع ہو نیوالا چیمپئنز ون ڈے کپ ہو گا۔
چیئرمین پی سی بی محسن نقوی کا اس حوالے سے گفتگو کرتے ہوئے کہنا تھا کہ پانچوں کرکٹرز کھیل کا وسیع تجربے رکھتے ہیں ، ان کی موجودگی پاکستان کرکٹ کے لئے مفید ثابت ہو گی۔
محسن نقوی کا کہنا تھا کہ پی سی بی پاکستان کی کرکٹ کو مضبوط ڈومیسٹک ڈھانچے کے ذریعے مضبوط کرنے کے لئےپُرعزم ہے۔ سابق کپتان شعیب ملک اور وکٹ کیپر بلے باز سرفراز احمد کو مینٹور رہتے ہوئے بطور پلیئر کھیلنے کی بھی اجازت ہو گی۔
یہ بھی پڑھیں:سابق کرکٹر محمد یوسف نے فاسٹ فوڈ ریسٹورنٹ کھول دیا
سرفراز احمد نے آخری فرسٹ کلاس میچ اس ماہ بنگلہ دیش اے کے خلاف کھیلا تھا۔ پی سی بی ذرائع کا مزید کہنا ہے کہ شعیب ملک اور سرفرازاحمد مینٹور رہتے ہوئے پروفیشنل کرکٹ بھی جاری رکھ سکیں گے۔
