سیکیورٹی فورسز نے بلوچستان کے علاقے ہرنائی میں کامیاب آپریشن کرتے ہوئے بی ایل اے کے 6 اہم دہشت گردوں کو ہلاک کر دیا۔ یہ آپریشن 12 ستمبر 2024ء کو خفیہ اطلاعات کی بنیاد پر کیا گیا، جس میں بی ایل اے کے ٹھکانوں کو نشانہ بنایا گیا۔
ذرائع کے مطابق سیکیورٹی فورسز نے بلوچستان کےعلاقے ہرنائی میں 12 ستمبر 2024ء کو بی ایل اے کے ٹھکانوں پر انٹیلیجینس بنیادوں پر کامیابی سے جوائنٹ آپریشن کیا۔ بی ایل اے کے اندرونی مصدقہ ذرائع کے مطابق آپریشن کے نتیجے میں بی ایل کے 6 اہم دہشتگرد وں کو ہلاک کیا گیا ۔ ہلاک دہشتگردوں میں شافو سمالانی عرف تادین، سرمد خان عرف دستین، محمد گل مری عرف واحد بلوچ، غلام قادرمری عرف انجیر بلوچ ، عبید بلوچ عرف فدا اور تاج محمد عرف بابل شامل ہیں۔
ذرائع کے مطابق تمام ہلاک دہشتگرد سیکورٹی فورسز اور معصوم لوگوں پر براہ راست حملوں میں ملوث تھے، دفاعی ماہرین کا کہنا ہے کہ بی ایل اے کے 6 دہشتگردوں کی ہلاکت سکیورٹی فورسز کی بڑی کامیابی ہے، ان دہشتگردوں کی ہلاکت بی ایل اے کیلیے بڑا دھچکا ہے ، دہشتگردوں کے خلاف سیکیورٹی فورسز کی کامیابی واضح کرتی ہے کہ دہشتگردوں کی کمر ٹوٹ چکی ہے، بلوچستان کی غیور عوام نے نام نہاد آزادی کا لبادہ اوڑھے دہشتگردوں کو مسترد کر دیا ہے
By 
