By وفاقی دارالحکومت میں پاکستان تحریک انصاف کے احتجاج کے پیش نظر مختلف پرائیویٹ سکولوں نے کل چھٹی کا اعلان کر دیا۔
دوسری جانب جڑواں شہر راولپنڈی میں امن و امان کو یقینی بنانے کے لیے 4000 پولیس افسران و اہلکار تعینات کیے جائیں گے۔ شہر کے تمام داخلی و خارجی راستوں اور اہم شاہراہوں پر پولیس کی موجودگی رہے گی۔
مزید پڑھیں: اب پی ٹی آئی تحریک نہیں رکے گی ، کل علی امین گنڈاپور پرامن احتجاج کے لیے ڈی چوک آئیں گے: علیمہ خان
سی پی او نے کہا ہے کہ امن و امان میں خلل ڈالنے والوں کے خلاف خصوصی تربیت یافتہ دستے تعینات کیے جائیں گے۔پولیس نے واضح کیا ہے کہ امن و امان میں خلل یا املاک کو نقصان پہنچانے والوں کے خلاف قانونی کارروائی کی جائے گی۔
شہر بھر میں سی سی ٹی وی کیمروں کی مدد سے قانون شکنوں کی شناخت کی جائے گی، اور کسی صورت بھی امن و امان میں خلل یا سرکاری و نجی املاک کو نقصان برداشت نہیں کیا جائے گا۔
والدین سے اپیل کی گئی ہے کہ وہ اپنے بچوں کو کسی بھی غیر قانونی اقدام کا حصہ نہ بننے دیں، تاکہ حالات کو مزید خراب ہونے سے بچایا جا سکے۔
