شاباش جیو نیوز، پیمرا کے حکم نامے کی مکمل تعمیل، یوٹیوب، سوشل میڈیا سمیت ملک بھر میں نشریات بند

پاکستان الیکٹرانک ذرائع ابلاغ نگران ادارے(پیمرا) کے حکم نامے پر جیو نیوز نے مکمل عمل درآمد کرتے ہوئے اپنی نشریات ملک بھر میں بند کر دیں، جبکہ ادارے کے مختلف سماجی ذرائع ابلاغ یوٹیوب اورسوشل میڈیا پر بھی براہِ راست نشریات اور تازہ مواد کی ترسیل روک دی گئی۔

جیو نیوز کی جانب سے نگران ادارے کے فیصلے پر فوری عمل درآمد کو بعض حلقوں نے قانون اور ضابطوں کی پاسداری کی مثال قرار دیتے ہوئے کہا کہ کسی بھی نشریاتی ادارے کی جانب سے ریاستی اداروں کے احکامات کی تعمیل ادارہ جاتی ذمہ داری اور پیشہ ورانہ نظم و ضبط کی عکاسی کرتی ہے۔

یہ بھی پڑھیں :پیمرا حکم نامے کے بعد جیو نیوز کی سوشل میڈیا مختلف پلیٹ فارمز پر نشریات بند ہونا شروع

سماجی ذرائع ابلاغ پر بھی اس پیش رفت پر مختلف آرا سامنے آئیں، جہاں متعدد صارفین نے جیو نیوز کی جانب سے حکم نامے پر فوری عمل درآمد کو سراہا، جبکہ بعض صارفین نے معاملے کے قانونی اور صحافتی پہلوؤں پر بھی بحث کی۔

واضح رہے کہ پیمرا کی جانب سے جاری کیے گئے حکم نامے کے بعد جیو نیوز نے اس کی مکمل تعمیل کرتے ہوئے اپنی نشریات اور متعلقہ سرگرمیوں کو مقررہ ہدایات کے مطابق روک دیا۔