ایک ماہ میں گھی اور کوکنگ آئل کی قیمتوں میں نمایاں اضافہ

ایک ماہ کے دوران گھی اور کوکنگ آئل کی قیمتوں میں نمایاں اضافہ ہو گیا ہے۔

دسمبر2024 میں مہنگائی کی شرح مزیدکم ہوکر4.07 فیصدپر آ گئی ہے،نومبرکے مہینے میں مہنگائی کی شرح 4.86 فیصد ریکارڈ کی گئی تھی۔

ادارہ شماریات کے مطابق جولائی تا دسمبر2024 کے دوران اوسط مہنگائی7.22  فیصد رہی، نومبر کے مقابلے دسمبر میں مہنگائی کی شرح میں 0.06 فیصد کا اضافہ ہوا جبکہ ماہ دسمبرمیں شہروں میں مہنگائی میں 0.10 فیصد کی کمی ہوئی، گزشتہ ماہ دیہاتوں میں مہنگائی کی شرح میں 0.29 فیصد کا اضافہ ہوا۔

پنجاب، فلور ملوں کیلئے گندم کی اجرائی قیمت مقرر، صارفین کیلئے آٹے کی قیمت کا تعین بھی ہو گیا

ادارہ شماریات کی رپورٹ کے مطابق دسمبر2024 میں آلو 12.42 فیصد مہنگے ہوئے، تازہ پھل 8.84، گھی 5.42 اور کوکنگ آئل 4.39 فیصد مہنگا ہوا، دسمبر میں چینی 2، مچھلی 1.82 اور انڈے 1 فیصد مہنگے ہوئے۔

سال 2024 میں دال چنا 54.25 بیسن 52، ٹماٹر 44.71 فیصد مہنگے ہوئے، آلو 37 فیصد، دال مونگ 34.5، مچھلی 25.4 اور چنے کی قیمت میں 24 فیصد اضافہ ہوا۔