آج رات سے پیٹرول مصنوعات کی قیمتوں میں ایک بار پھر اضافے کا امکان

وفاقی حکومت کی جا نب سے یکم فروری یعنی آج رات سے پیٹرولیم مصنوعات کی قیمتوں میں مزید اضافے کا امکان ظاہر کیا گیا ہے۔

میڈیا رپورٹس کے مطابق یکم فروری سے ڈیزل کے نرخوں میں فی لٹر 6روپے اور اور پیٹرول کی قیمت میں 3روپے فی لٹر اضافہ ہونے کا امکان ہے ۔ یاد رہے کہ نئے سال2025 کے پہلے ماہ کے دوران حکومت دو مرتبہ پیٹرولیم مصنوعات کی قیمتوں میں اضافہ کر چکی ہے۔

یہ بھی پڑھیں:ایف بی آر کی ریٹیلرز کو ڈیجیٹل لین دین سہولیات فراہم کرنے کی ہدایات

حکومت نے یکم جنوری سے 15 جنوری کے لئے پیٹرول کی قیمت میں 3 روپے 47 پیسے فی لیٹر اضافہ کیا تھا جبکہ 16 جنوری سے 31 جنوری کیلئے پیٹرول کی قیمت میں 56 پیسے کا اضافہ کیا گیا تھا۔ اس کے علاوہ ڈیزل کی قیمت میں 2 روپے 96 پیسے اور 2 روپے 61 پیسے اضافہ بھی کیا گیا تھا۔