اسرائیل کا جنوبی لبنان پر فضائی حملہ، تین افراد جاں بحق

اسرائیل نے جنوبی لبنان میں فضائی حملہ کیا ہے جس کے نتیجے میں تین افراد جاں بحق ہوگئے۔

بیروت سے لبنانی محکمہ صحت کے مطابق اسرائیل نے جنگ بندی کے باوجود شمالی اسرائیل سے صرف تیس کلومیٹر دور نباطیہ ڈسٹرکٹ کو نشانہ بنایا۔

دوسری جانب اسرائیلی فوج نے دعویٰ کیا ہے کہ جنوبی لبنان کے علاقے عیناتا کے گاؤں میں حملہ کرکے دو مسلح افراد کو قتل کر دیا گیا۔

اسرائیل کے ایک اور حملے میں لبنان کے ایک اور گاؤں کو بھی نشانہ بنایا گیا، جس کے نتیجے میں ایک بچے سمیت دو افراد زخمی ہوگئے۔

یہ بھی پڑھیں: ایرانی نائب اسپیکر حامد رضا نے دعویٰ کیا ہے کہ آبنائے ہرمز پر عائد کیے گئے ٹول ٹیکس سے پہلی آمدنی موصول ہوگئی

دوسری جانب اسرائیلی وزیر دفاع اسرائیل کاٹز نے کہا ہے کہ اسرائیل ایران کے خلاف جنگ دوبارہ شروع کرنے کے لیے تیار ہے اور اس کے لیے اہداف پہلے ہی طے کیے جا چکے ہیں۔

انہوں نے دعویٰ کیا کہ آئندہ حملے زیادہ شدید اور تباہ کن ہوں گے اور ایران کو مزید نقصان پہنچائیں گے۔

امریکی خبر رساں ادارے ’سی این این‘ کے مطابق اسرائیلی وزیر دفاع اسرائیل کاٹز نے کہا ہے کہ اسرائیل ایران کے خلاف جنگ دوبارہ شروع کرنے کے لیے مکمل طور پر تیار ہے۔

انہوں نے وزارتِ دفاع میں صورتِ حال کے جائزہ اجلاس کے دوران کہا کہ اہداف طے کیے جا چکے ہیں اور فوجی کارروائی دوبارہ شروع کرنے کے لیے تیاری مکمل ہے۔