بھارتی فضائیہ کا ایک اور طیارہ مقبوضہ کشمیر کے ضلع کشتواڑ کے پہاڑی علاقے میں گر کر تباہ

مقبوضہ جموں و کشمیر کے ضلع کشتواڑ میں بھارتی فضائیہ کا ایک طیارہ پہاڑوں سے ٹکرانے کے بعد گر کر تباہ ہو گیا ہے۔

ابتدائی اطلاعات کے مطابق طیارہ ایک پہاڑی اور دشوار گزار علاقے میں گر کر تباہ ہوا ہے۔ تاہم پائلٹ کی حالت اور کسی ممکنہ جانی نقصان کے بارے میں فی الحال کوئی واضح معلومات سامنے نہیں آ سکیں۔

میڈیا رپورٹس کے مطابق حادثے کے فوراً بعد امدادی ٹیموں کو جائے وقوعہ کی جانب روانہ کر دیا گیا ہے، جبکہ واقعے کی وجوہات جاننے کے لیے تحقیقات کا آغاز متوقع ہے۔

بھارتی حکام کی جانب سے تاحال اس حادثے کے حوالے سے کوئی تفصیلی سرکاری بیان جاری نہیں کیا گیا۔

یہ بھی پڑھیں: امریکا میں بھارت کے خلاف سکھوں کا بڑا احتجاجی مظاہرہ، بھارتی حکومت کا آڑے ہاتھوں لے لیا

یاد رہے کہ گزشتہ برس نومبر میں دبئی ایئر شو میں فضائی مظاہرے کے دوران بھارتی فضائیہ کا تیجس طیارہ حادثے کا شکار ہوگیا۔ حادثے میں پائلٹ ہلاک ہوگیا۔