پی ایس ایل سیزن 10، پاکستان کرکٹ بورڈ نے شیڈول جاری کر دیا

پاکستان کرکٹ بورڈ(پی سی بی )نے پاکستان سپر لیگ (پی ایس ایل) کے دسویں ایڈیشن کے شیڈول کا اعلان کر دیا ہے۔

کرکٹ بورڈ کی جانب سے جاری کئے گئےاعلامیے کے مطابق پاکستان سپر لیگ کے 10ویں ایڈیشن11 اپریل سے دفاعی چیمپئن اسلام آباد یونائیٹڈ اور لاہور قلندرز کے درمیان میچ سے شروع ہوگا۔

یہ بھی پڑھیں:چیمپئنز ٹرافی : افغانستان اور آسٹریلیا کی کرکٹ ٹیموں کے درمیان اہم مقابلہ آج ہوگا

چھ ٹیموں کے ایونٹ میں 11 اپریل سے 18 مئی تک 34 میچز کھیلے جا نے ہیں، جس میںقذافی سٹیڈیم لاہور13 میچوں کی میزبانی کرے گا جن میں 2 ایلیمنیٹرز اور فائنل میچ بھی شامل ہے۔

آئندہ ایڈیشن میں ایک نمائشی میچ بھی کھیلا جا ئیگا جو 8 اپریل کو پشاور میں کھیلا جائے گا، میچ کی دونوں ٹیمیں مناسب وقت پر کنفرم کردی جائیں گی۔ ایچ بی ایل پی ایس ایل 10 کے لئےراولپنڈی کرکٹ سٹیڈیم 13 مئی کو کوالیفائر ون سمیت 11 میچوں کی میزبانی کرے گا۔

اسی طرح کراچی نیشنل بینک سٹیڈیم اور ملتان کرکٹ سٹیڈیم پانچ،پانچ میچوں کی میزبانی کریں گے۔ ٹورمنٹ میں 3 ڈبل ہیڈرز بھی ہوں گےجس میں 2 میچ ویک اینڈ (ہفتہ) اور ایک قومی تعطیل (یوم مئی ) کو کھیلا جائے گا۔

کراچی کنگز جو لیگ کے 5ویں ایڈیشن کی فاتح ٹیم ہے 12 اپریل کو گزشتہ ایڈیشن کی رنر اپ ملتان سلطانز کیخلاف اپنی مہم کا آغاز شہر قائد میں کرے گی۔ ملتان سلطانز جو چھٹے ایڈیشن کی ونر اپ ٹیم ہے اس کا مقابلہ 22 اپریل کو لاہور قلندرز سے ہو گا۔

یہ بھی پڑھیں:ایشیا کپ 2025 بھارت کے بجائے کسی دوسرے ملک میں کروائے جانے کا امکان

ملتان کرکٹ سٹیڈیم میں یہ پاکستان سپر لیگ (پی ایس ایل) 10 کا پہلا میچ ہوگا۔ پی ایس ایل 2017 کی چیمپئن پشاور زلمی اپنے پانچوں میچز راولپنڈی کرکٹ سٹیڈیم میں کھیلے گی جبکہ چوتھے ایڈیشن کی فاتح ٹیم کوئٹہ گلیڈی ایٹرز قذافی سٹیڈیم میں 5 میچ کھیلے گی۔