پاکستان مسلم لیگ ن (پی ایم ایل این) خیبر پختونخوا کے رہنما اختیار ولی نے کہا ہے کہ پاکستان تحریک انصاف (پی ٹی آئی) کے سابق وزیر اعلیٰ خیبر پختونخوا پرویز خٹک کی وفاقی کابینہ میں شمولیت پر کچھ لیگی رہنماؤں کے تحفظات ہیں، ماضی میں وہ ہمارے لیڈر کو گالیاں دیتے رہے ہیں۔
پیر کو نجی ٹی وی کے ساتھ گفتگو کرتے ہوئے مسلم لیگ ن کے صوبائی رہنما اختیار ولی نے کہا کہ پی ٹی آئی کے سابق رہنما اور وزیر اعلیٰ خیبر پختونخوا پرویز خٹک کی وفاقی کابینہ میں شمولیت پر بہت سے لیگی رہنماؤں کو تحفظات ہیں، ان کا کہنا تھا کہ پرویز خٹک نے ہمارے لیڈر میاں محمد نواز شریف کو گالی دیں جس کی وجہ سے میں نے 15، 16 سالوں سے پرویز خٹک سے کوئی بات تک نہیں کی۔
اختیار ولی کا مزید کہنا تھا کہ پاکستان مسلم لیگ ن کے ایسے اقدامات سے یہ تاثر ابھر رہا ہے کہ مسلم لیگ ن میں رہتے ہوئے اگر کسی بندے کے پاس پنجاب کا ڈومیسائل نہ ہو تو وہ ہلکا رہ جاتا ہے۔
By 
