محکمہ ٹرانسپورٹ سندھ نے 15 رمضان المبارک سے پیپلزبس سروس کے اوقات میں توسیع کا اعلان کر دیا۔
تفصیلات کے مطابق اس حوالے سے وزیر اطلاعات سندھ شرجیل میمن کا کہنا ہے کہ 15 رمضان المبارک سے بس سروس رات 1 بجے تک چلائی جائے گی، اطلاق آر 1، آر 2، آر 3، آر 4، آر 9، آر 10 اور ای وی ون روٹ کی بسوں پر ہوگا۔
شرجیل انعام میمن کا کہنا تھا کہ رمضان المبارک میں شہریوں کو درپیش مشکلات کو سمجھتے ہیں، کراچی کے عوام زیادہ تر پبلک ٹرانسپورٹ پر سفرکرتے ہیں،پیپلز بسوں کے اوقات میں توسیع کا فیصلہ شہریوں کو مزید سفری سہولت فراہم کرنے کے لیے کیا ہے ۔
سینئر صوبائی وزیر شرجیل انعام میمن کا مزید کہنا تھا کہ اس چیز کو یقینی بنایا جائے گا کہ لوگ عید کی خریداری کے بعد محفوظ طریقے سے اپنے گھر پہنچ سکیں۔
حکومت سندھ عوام کی فلاح و بہبود کے لیے تمام تر ممکنہ اقدامات اٹھا رہی ہے، شہری پیپلز بس سروس کی توسیع شدہ اوقات کی سروس کا بھرپورطریقے سے فائدہ اٹھائیں۔