آئی جی پختونخوا کا وزیراعلیٰ کو خط، صوبے کو ہارڈ ایریا قرار دیکر پولیس کی تنخواہیں بڑھانے کا مطالبہ

آئی جی خیبر پختونخوا ذوالفقار حمید نے کہا ہے کہ خیبر پختونخوا میں پولیسنگ اتنی ہی مشکل اور چیلنجنگ ہے جتنی کہ بلوچستان میں ہے اس حوالے سے وزیر اعلی صوبے کو ہارڈ ایریا قرار دیکر پولیس کی تنخواہ بڑھائیں۔

تفصیلات کے مطابق آئی جی خیبر پختونخوا پولیس ذوالفقار حمید نے وزیراعلیٰ علی امین گنڈاپور کو خط لکھا ہے، آئی جی ذوالفقار حمید کی جانب سے وزیراعلیٰ سے خیبر پختونخوا کو ہارڈ ایریا قرار دینے کا مطالبہ کیا گیا ہے۔

مراسلے میں انھوں نے کہا کہ کےپی پولیس کی تنخواہیں بلوچستان پولیس کے برابرکی جائیں، کےپی اور بلوچستان اندرونی، سرحدی دہشت گردی کے خطرات کا سامنا کررہے ہیں۔ ذوالفقار حمید نے خط میں کہا کہ بلوچستان کو ہارڈ ایریا قرار دیا گیا ہے، خیبر پختونخوا میں بھی خطرات زیادہ ہیں، بلوچستان میں پولیس افسران، اہلکاروں کو زیادہ مالی مراعات دی جاتی ہیں۔

انھوں نے کہا کہ خیبر پختونخوا پولیس زیادہ قربانیاں دے رہی ہے مگر کم تنخواہیں ملتی ہیں، تنخواہوں میں واضح فرق پولیس میں بےچینی اور عدم اطمینان پیدا کررہا ہے۔ مراسلہ میں آئی جی ذوالفقار حمید نے کہا کہ کےپی پولیس کی بہادری، دہشتگردوں کیخلاف جنگ اسے بہترین فورس بناتی ہے، فیصلے سے سالانہ مالی بوجھ 21 کروڑ 19 لاکھ روپے ہوگا۔

مراسلہ کے متن کے مطابق صوبے کو بھی ہارڈ ایریا قرار دیکر پولیس کی تنخواہیں بلوچستان پولیس کے برابر کر دی جائیں۔ کیونکہ خیبر پختونخوا اور بلوچستان اندرونی اور سرحدی دہشتگردی کے خطرات کا سامنا کر رہے ہیں۔ خیبر پختونخوا میں پولیسنگ اتنی ہی مشکل اور چیلنجنگ ہے جتنی بلوچستان میں ہیں۔ بلوچستان کو ہارڈ ایریا قرار دیا جا چکا ہے خیبر پختونخوا میں بھی خطرات زیادہ ہیں۔

بلوچستان میں پولیس افسران اور اہلکاروں کو زیادہ مالی مراعات دی جاتی ہیں جبکہ خیبر پختونخوا پولیس زیادہ قربانیاں دےرہی ہے مگر انہیں دیگر صوبوں کے مقابلے میں کم تنخواہیں ملتی ہے۔ تنخواہوں میں واضح فرق پولیس میں بے چینی اور عدم اطمینان پیدا کر رہا ہے۔ خیبر پختونخوا پولیس کی بہادری اور دہشتگردوں کے خلاف جنگ اسے بہترین فورس بناتی ہے۔