پانی ضائع ہونے سے بچانے کیلئے پنجاب حکومت کا بڑا اقدام، نئے کار واش اسٹیشنز پر پابندی عائد

پنجاب حکومت نے نئے کار واش اسٹیشنز پر پابندی عائد کر دی۔

محکمہ ماحولیات نے پابندی کا نوٹیفیکشن جاری کردیا ہے، جس میں کہا گیا ہے کہ پنجاب میں نئے کار سروس اسٹیشن بنانے پر مکمل پابندی ہو گی۔

نوٹیفکیشن میں کہا گیا ہے کہ پابندی کی خلاف ورزی پر پاکستان پینل کوڈ کے تحت کارروائی کی جائے گی، نئے کار واش اسٹیشن بنانے پر پابندی فوری طور پر نافذ العمل ہو گی۔

متحدہ عرب امارات میں عیدالاضحیٰ کب ہو گی، پاکستان بارے بھی اہم اعلان

محکمہ ماحولیات نے کہا ہے کہ پنجاب میں پانی کی قلت، ممکنہ خشک سالی کے پیش نظریہ فیصلہ کیا گیا ہے، ایک گاڑی دھونے پر 400 لیٹر پانی ضائع ہوجاتا ہے۔

محکمہ ماحولیات کے مطابق نئے سروس اسٹیشن خشک سالی کو مزید سنگین کرکے ماحولیاتی، سماجی اقتصادی مشکلات کا باعث بنیں گے۔