سعودی عرب: حج قوانین کی خلاف ورزیوں پر سخت سزاؤں اور جرمانوں کا اعلان

سعودی عرب:  حج قوانین کی خلاف ورزیوں پر سخت سزاؤں اور جرمانوں کا اعلان

سعودی عرب نے حج قوانین کی خلاف ورزیوں پر سخت سزاوں اور جرمانوں کا اعلان کردیا۔ 

سعودی وزارتِ داخلہ کی جانب سے جاری اعلامیہ کے مطابق بغیر اجازت حج کرنے یا کوشش کی صورت میں 20 ہزار ریال تک جرمانہ ہوگا۔

اعلامیے میں درج ہے کہ حج سیزن کے دوران مکہ یا مقدس مقامات میں وزٹ ویزے پر داخل ہونے پر 20 ہزار ریال تک جرمانہ ہوگا جبکہ وزٹ ویزہ ہولڈر کو ٹرانسپورٹ یا مدد فراہم کرنے والے پر ایک لاکھ ریال تک جرمانہ عائد کیا جائے گا۔

غیر مجاز زائرین کو ہوٹل یا نجی گھروں میں رہائش فراہم کرنے پر ایک  لاکھ ریال تک جرمانہ کیا جائے گا۔

یہ بھی پڑھیں : زیارت میں سی ٹی ڈی اور سکیورٹی فورسز کی کارروائی، 7 دہشتگرد جہنم واصل  

خلاف ورزی پر سہولت کاروں کو ڈی پورٹ اور 10 سال تک سعودی عرب میں داخلے پر پابندی ہوگی، جبکہ زائرین کی غیر قانونی نقل و حمل کی صورت میں گاڑی ضبط کی جاسکتی ہے۔

اعلامیے میں مزید بتایا گیا کہ جرمانہ یا سزا کے خلاف 30 دن میں اپیل اور 60 دن میں عدالت میں درخواست دائر کی جاسکے گی۔

editor

Related Articles

Leave a Reply

Your email address will not be published. Required fields are marked *