پنجاب میں شہریوں کے تحفظ کیلئے بڑا اقدام ، پبلک ٹرانسپورٹ کیلئے کیوآرپینک بٹن سسٹم متعارف

پنجاب سیف سٹیز اتھارٹی نے وزیراعلیٰ پنجاب مریم نواز کے وژن کے تحت جدید کیو آر پینک بٹن سسٹم متعارف کرا دیا۔

یہ کیوآرپینک بٹن سسٹم بسوں، ویگنوں، رکشوں اور دیگر پبلک ٹرانسپورٹ میں نصب کیا جائے گا۔

ذرائع کے مطابق یہ نظام پنجاب سیف سٹیز اتھارٹی نے اِن ہاؤس تیار کیا ہے جبکہ شہری اسے پبلک سیفٹی ایپ یا سیف سٹی ویب سائٹ سے مفت حاصل کر سکیں گے۔

حکام کے مطابق دنیا بھر میں ٹرانسپورٹ سیفٹی کے مختلف نظام محدود سہولیات فراہم کرتے ہیں ، تاہم پنجاب میں ایک ہی پلیٹ فارم پر 12 نمایاں حفاظتی فیچرز یکجا کیے گئے ہیں، کیو آر پینک بٹن سسٹم میں کال، ویڈیو کال، لائیو چیٹ، لوکیشن شیئرنگ، گاڑی کی تصدیق اور فوری پولیس رسپانس سمیت متعدد سہولیات شامل ہیں۔

Travel is now safer than ever!

Punjab Safe Cities Authority has introduced the QR Panic Button facility in public transport vehicles. In any emergency, passengers can instantly connect with Emergency 15 through a simple scan, enabling quick location sharing and timely… pic.twitter.com/ZYRSH73FSk

— Punjab Safe Cities Authority (@PSCAsafecities) June 7, 2026

مسافر کیو آر کوڈ اسکین کرکے گاڑی کے مالک اور ڈرائیور کی معلومات حاصل کر سکیں گے، جبکہ ہنگامی صورتحال میں اسی سسٹم کے ذریعے 15 پر کال، ویڈیو کال یا لائیو چیٹ کے ذریعے سیف سٹی کنٹرول روم سے فوری رابطہ کیا جا سکے گا۔

یہ بھی پڑھیں :لاہور : پبلک ٹرانسپورٹ اور آن لائن ٹیکسی سروسز کیلئے سکیورٹی بارکوڈ سسٹم متعارف کرانے کا فیصلہ

اس کے ساتھ ساتھ ایمرجنسی کی صورت میں مسافر کی لائیو لوکیشن اور گاڑی کا ڈیٹا فوری طور پر کنٹرول روم کو موصول ہو جائے گا، جس سے بروقت کارروائی اور امداد کو یقینی بنایا جا سکے گا۔

سیف سٹیز حکام کا کہنا ہے کہ ڈرائیورز بھی کسی ہنگامی صورتحال میں اسی پینک بٹن کے ذریعے فوری مدد حاصل کر سکیں گے، گاڑی کی ملکیت تبدیل ہونے پر سابقہ کیو آر پینک بٹن خودکار طور پر غیر فعال ہو جائے گا اور نئے مالک کے ریکارڈ کی اپ ڈیٹ کے بعد نیا کیو آر پینک بٹن جاری کیا جائے گا۔

آئی جی پنجاب کاکہناہے کہ کیو آر پینک بٹن پولیس اور شہریوں کے درمیان رابطے کا مؤثر ذریعہ ثابت ہوگا، جبکہ ٹیکنالوجی اور سمارٹ پولیسنگ کے امتزاج سے عوامی تحفظ کا نیا معیار قائم کیا جا رہا ہے۔