اسلام آباد : عدالت کا عمران ریاض، معید پیرزادہ سمیت 27 یوٹیوبرز کے چینلز بلاک کرنے کا حکم

  اسلام آباد کی مقامی عدالت نے ایف آئی اے کی درخواست پرصحافی عمران ریاض ، معید پیرزادہ سمیت 27 معروف یوٹیوب چینلز بلاک کرنے کا حکم دیدیا۔

جوڈیشل مجسٹریٹ عباس شاہ نے یوٹیوب چینل بلاک کی درخواست پر سماعت کی ، عدالت نے دو صفحات کا تحریری حکم نامہ جاری کر دیا ۔

حکم نامے میں کہا گیا ہے کہ ریاست مخالف مواد کے حوالے سے ایف آئی اے نے 2 جون کو انکوائری شروع کی ، عدالت نے انکوائری افسرکو سنا اور دستیاب ریکارڈ کا جائزہ لیا۔

حکم نامے میں مزید کہا گیا ہے کہ  شواہد کی بنیاد پر عدالت سمجھتی ہے معاملہ پیکاایکٹ اورتعزیرات پاکستان کے تحت قابل سزا جرم ہے ، یوٹیوب کے افسرانچارج کو حکم دیا جاتا کہ ہے 27 یوٹیوب چینلزکو بلاک کیا جائے۔

یہ بھی پڑھیں: بھارت آپریشن سندور کے مقاصد اور اہداف حاصل کرنے میں بری طرح ناکام رہا، فیلڈ مارشل سید عاصم منیر

 عدالت نے صحافی مطیع اللہ جان ، صابر شاکر ، عبد القادر ، حیدر مہدی ، عمران ریاض ، اوریا مقبول جان ، مخدوم شہاب الدین ،  اسد طور ، صدیق جان سمیت 27 یوٹیوب چینل بلاک کرنے کا حکم جاری کردیا۔

حکومت کی درخواست پر یوٹیوب نے چینل چلانے والے پاکستانیوں کو ای میل کے ذریعے جواب نہ دینے پر ون سائیڈ کارروائی کر کے چینل بند کرنے کی وارننگ دے دی۔