لاہور کے کالجز اور یونیورسٹیز میں طالبات کے تحفظ کے لیے پنک بٹن نصب

طالبات کی پرائیویسی اور تحفظ کے لیے لاہور کے کالجز اور یونیورسٹیز میں پنک بٹن نصب کرنے کا عمل شروع کر دیا گیا ہے۔

ترجمان سیف سٹیز اتھارٹی کے مطابق لاہور کے 39 خواتین کالجز اور یونیورسٹیز میں یہ تنصیب مکمل ہو چکی ہے۔

ترجمان نے بتایا کہ پنجاب بھر کے 450 خواتین کالجز میں پنک بٹن نصب کرنے کا عمل مرحلہ وار مکمل کیا جائے گا۔ ہنگامی صورتحال میں طالبات پنک بٹن دبا کر فوری طور پر پولیس کی مدد حاصل کر سکیں گی۔

ترجمان کے مطابق بٹن دبانے پر اطلاع سیف سٹیز کنٹرول روم کو فوراً موصول ہوگی۔ ترجمان سیف سٹیز اتھارٹی نے مزید بتایا کہ پنجاب کے 101 اور لاہور کے 122 مقامات پر پہلے ہی پنک بٹن کی سہولت موجود ہے۔

یہ بھی پڑھیں: طلبا اور طالبات کے لیے ہائیر ایجوکیشن کمیشن کا اہم اعلان