پاک بھارت ٹاکرا ! مودی کے گودی میڈیا کو ہضم نہیں ہوا ، میچ کے بائیکاٹ پر زور

مودی کا گودی میڈیا  ایک بار پھر کھیل میں سیاست لے آیا  اور آج ایشیا کپ میں ہونے والے پاک – بھارت ٹاکرا بھارتی میڈیا سےہضم نہیں ہورہا اور وہ مسلسل پاکستان سے میچ کے بائیکاٹ پر زور دے رہا ہے۔

بھارتی میڈیا نے ایک مرتبہ پھر کھیل اور سیاست کو ایک کردیا، پاکستان سے میچ کے بائیکاٹ کرنے پر رونا دھونا شروع کردیا، یہی نہیں بلکہ  براڈ کاسٹرز اور پلیئرز کو بھی برا بھلا کہنے لگے۔

بھارتی اینکر ارنب گواسوامی نے اپنے پروگرام میں بھارت کے لیجنڈری کرکٹر پر کڑی تنقید کی اور اس دوران ان کے لیے غیر مہذب الفاظ بھی استعمال کیے۔

یہ بھی پڑھیں : پاک بھارت بڑا مقابلہ آج، ایشیا کپ کی تاریخ میں کس کا پلڑا ہمیشہ بھاری رہا؟

ان کا کہنا تھا کہ سارو گنگولی، سچن ٹنڈولکر، راہول ڈریوڈ اپنی خاموشی توڑو اور بات کرو اور اس میچ کے بائیکاٹ سے متعلق بولو، ملک نے آپ لوگوں کو اتنا کچھ دیا ہے تو پھر خاموش کیوں ہو۔

Defeat k Baad Takrain marega ye 🤣🤣pic.twitter.com/dmV9bFWxuF

— ٰImran Siddique (@imransiddique89) September 13, 2025

ارنب گواسوامی نے مزکہا کہ سارو گنگولی اتنے اشتہارات میں آتے ہو، بہت پیسے ملتے ہیں اور پھر بھارتی کرکٹ بورڈ سے ڈرتے کیوں ہو، بولتے کیوں نہیں، ملک نے اتنا کچھ دیا ہے تو پھر ڈرتے کیوں ہو، بولتے کیوں نہیں، پوری بھارت کی کرکٹنگ فوج خاموش ہوگئی ہے ، سمجھوتہ کر رہی ہے، عوام کے جذبات سے یہ بڑا کھیل نہیں ہوسکتا

بھارتی اینکر کا پرزور اصرار تھا کہ سب کو اس میچ کا بائیکاٹ کرنا چاہیے اور سب سے کم ٹی آر پی اس میچ کی آنی چاہیے ، کسی کو دیکھنا نہیں چاہیے، ہر اسپانسر اور ایڈوائٹرز کو پیچھے ہٹنا چاہیے جبکہ براڈ کاسٹرز اور بی سی سی آئی کو بھی چاہیے ہر چیز کا تماشہ نہ کریں۔

یہ بھی پڑھیں : پاک بھارت ہائی وولٹیج ٹاکرا ، دبئی کا موسم آج کیسا رہے گا؟

واضح رہے کہ پاکستان اور بھارت کی ٹیمیں آج (14 ستمبر) کو دبئی انٹرنیشنل اسٹیڈیم میں ایشیا کپ کے مقابلے میں میدان میں ہوں گی، میچ پاکستانی وقت کے مطابق شام ساڑھے 7 بجے شروع ہوگا۔

شارجہ کرکٹ اسٹیڈیم میں سہ ملکی ٹی 20 سیریز جیتنے کے بعد پاکستان ٹیم نے ایشیا کپ کا آغاز 12 ستمبر کو عمان کے خلاف شاندار 93 رنز کی فتح کے ساتھ کیا تھا۔