یوٹیوب شارٹس کیلئے اب تک کا سب سے بڑا فیچر آگیا

اگر آپ یوٹیوب شارٹس بنانا پسند کرتے ہیں مگر ویڈیو ریکارڈ کرنا مشکل لگتا ہے تو اب ایسا کرنے کی ضرورت نہیں ہوگی کیونکہ گوگل نے اپنے سب سے ایڈوانس آرٹیفیشل انٹیلی جنس (اے آئی) ویڈیو جنریٹر ویو 3 کو یوٹیوب شارٹس میں شامل کر دیا ہے۔

آپ کو وہاں لکھنا ہوگا کہ آپ کیسی ویڈیو بنانا چاہتے ہیں، اس کے بعد ویژول اسٹائل جیسے انیمیٹڈ یا سنیماٹک کا انتخاب کرنا ہے ، ویو 3 آپ کی ہدایات کے مطابق مختصر ویڈیو تیار کر دے گا۔

ویو 3 کا فاسٹ ورژن 8 سیکنڈ طویل ویڈیو بنائے گا جس کا معیار ضروری نہیں، بہت زیادہ اچھا ہو مگر پھر بھی یہ متاثر کن ہے کیونکہ وہ کسی فلم فوٹیج کے بغیر کام کرے گا۔

خیال رہے کہ جون 2025 میں کمپنی کی جانب سے ویو 3 کو یوٹیوب شارٹس کا حصہ بنانے کا اعلان کیا گیا تھا۔

یہ بھی پڑھیں : فیس بک کے ’کمیونٹی نوٹس‘ میں مزید فیچر متعارف

اس موقع پر یوٹیوب کے چیف ایگزیکٹو نیل موہن نے بتایا تھا کہ ویو 3 کو آئندہ چند ماہ کے دوران کسی وقت براہ راست یوٹیوب شارٹس کا حصہ بنا دیا جائے گا، اے آئی سے اپ کو لامحدود مواقع ملیں گے، ہر فرد جو کسی کہانی کو شیئر کرنا چاہتا ہے، وہ اپنے خواب کو کیرئیر میں تبدیل کرسکے گا۔

یہ اے آئی ٹول تحریری ہدایات کے مطابق مکمل کلپس تیار کرسکتا ہے جو آڈیو اور ویڈیو دونوں پر مبنی ہوتے ہیں جبکہ اس کی تیار کردہ ویڈیوز کافی حد تک حقیقی محسوس ہوتی ہے ، ابھی ویو 3 کا استعمال گوگل کے اے آئی پرو یا اے الٹرا کے صارفین ہی کرسکتے ہیں اور دونوں پروگرامز کے لیے ماہانہ فیس ادا کرنا پڑتی ہے۔

مگر یہ اے آئی ویڈیو جنریشن ٹول یوٹیوب شارٹس کے لیے مفت دستیاب ہوگا۔

اس ٹول سے بیشتر صارفین یوٹیوب سے کمانے کے قابل بھی ہوسکتے ہیں جبکہ اس وقت شارٹس سے کمانے والے افراد کی آمدنی متاثر ہوسکتی ہے۔

اس وقت ایک تخمینے کے مطابق یوٹیوب کے پارٹنر پروگرام میں شامل 25 فیصد سے زیادہ افراد شارٹس ویڈیوز سے پیسے کماتے ہیں۔اس مقصد کے لیے اسمارٹ فون میں یوٹیوب ایپ اوپن کریں اور پھر Create بٹن پر کلک کرکے Create اے ویڈیو کا انتخاب کریں اس کے بعد اپنی ہدایات کو درج کریں اور بس۔