پاکستان نے واضح کردیاافغان طالبان کی جانب سے دہشتگردعناصر کی سرپرستی کسی صورت قبول نہیں،سیکورٹی ذرائع

استنبول میں ہونے والی اہم بات چیت کے دوران پاکستانی وفد نے افغان طالبان کے وفد کو اپنا حتمی اور دوٹوک مؤقف پیش کر دیا۔

سکیورٹی ذرائع کے مطابق پاکستان نے واضح طور پر کہا ہے کہ افغان طالبان کی جانب سے دہشت گرد عناصر کی سرپرستی منظور نہیں۔

  پاکستانی وفد نے مذاکرات کے دوران یہ بھی واضح کیا کہ دہشت گردی کے خاتمے کے لیے ٹھوس، مؤثر اور یقینی اقدامات کرنا ناگزیر ہیں۔

یہ خبربھی پڑھیں :پاک افغان مذاکرات، پاکستان کا دہشتگرد تنظیموں کیخلاف قابل تصدیق کارروائی پر زور

وفد نے زور دیا کہ دونوں ممالک کے درمیان پائیدار امن کے لیے دہشت گرد تنظیموں کے خلاف واضح اور عملی کارروائیاں ضروری ہیں۔

سکیورٹی ذرائع کے مطابق طالبان کا رویہ غیر حقیقت پسندانہ اور زمینی حقائق سے ہٹ کر نظر آیا طالبان وفد کی جانب سے پیش کیے گئے دلائل کو غیر منطقی قرار دیتے ہوئے ذرائع نے کہا کہ بظاہر ایسا لگتا ہے کہ طالبان کسی اور ایجنڈے پر عمل پیرا ہیں

جو نہ صرف افغانستان بلکہ پاکستان اور پورے خطے کے امن و استحکام کے مفاد میں نہیں،مذاکرات میں مزید پیشرفت افغان طالبان کے مثبت رویے پر منحصر ہے