پاکستان افغانستان مذاکرات ناکامی کے دہانے پر، طالبان دہشت گردی روکنے کے لیے تحریری معاہدہ کرنے کو تیار نہیں – صحافی انس ملک اندر کی خبر باہر لے ائے !

صحافی انس ملک نے اپنی ٹویٹ میں انکشاف کیا ہے کہ پاکستان اور طالبان حکومت کے درمیان استنبول میں جاری مذاکرات ایک بار پھر تعطل کا شکار ہو گئے ہیں۔

انس ملک کے مطابق، پاکستان اور طالبان حکومت کے درمیان استنبول میں مذاکرات کے تیسرے دن چھ گھنٹے سے زائد کا وقت گزر چکا ہے۔ یہ مذاکرات ثالثوں کی موجودگی میں جاری ہیں۔ ان کا کہنا ہے کہ آج صبح جب مذاکرات کا آغاز ہوا تو صورتحال ایک تعطل کی شکل اختیار کرتی نظر آئی۔

انس ملک نے مزید بتایا کہ مذاکرات میں طالبان فریق کسی بھی چیز پر تحریری طور پر رضامند ہونے کو تیار نہیں ہے۔ میزبان فریق پاکستان کے خدشات کو سمجھتا ہے، تاہم کابل اور قندھار کے لوگ دہشت گرد نیٹ ورکس کی حمایت چھوڑنے پر آمادہ نہیں ہیں۔

یہ بھی پڑھیں: افغانستان نے سبق نہ سیکھا تو انجام اچھا نہیں ہوگا،دوحہ سیزفائر مذاکرات پر عوامی ردعمل