پاکستان کے ہاتھوں بدترین ہزیمت چھپانے کیلئے افغان طالبان کی میڈیا پر پابندیاں

افغان طالبان رجیم نے آپریشن غضب للحق میں پاکستان کے ہاتھوں ہزیمت چھپانے کیلئے میڈیا پر دباؤ اور پابندیاں بڑھا دیں۔

افغان میڈیا آمو ٹی وی کے مطابق افغان طالبان کیخلاف پاکستان کی فضائی کارروائیوں کے بعد طالبان نے مقامی میڈیا پر دباؤ اور سنسرشپ مزید بڑھا دی ہے۔

افغان میڈیا کے مطابق افغان طالبان نے صحافیوں کو خبردار کیا ہے کہ وہ حملوں کی رپورٹنگ نہ کریں خصوصاً وہ جو انکے فوجی مراکز پر ہوئے ہیں۔

یہ بھی پڑھیں : افغان طالبان حکومت مذاق بن گئی ، سرکاری اکاؤنٹس سے بھی مضحکہ خیز جھوٹی خبروں کی تشہیر

افغان طالبان نے میڈیا کو پاکستان کی فضائی کارروائیوں کے مقامات یا تعداد سے متعلق رپورٹنگ سے بھی روک دیا ہے، افغان میڈیا کوانتباہ جاری کیا گیا ہے کہ طالبان کی فوجی تنصیبات پر حملوں سے متعلق کوئی خبر شائع یا نشر نہ کی جائے۔

ماہرین کے مطابق پاکستان کی جوابی کارروائیوں میں تباہ شدہ ٹھکانوں سے متعلق رپورٹنگ پر پابندی نے افغان طالبان رجیم کی منافقت اور ناکامی بے نقاب کردی ہے، میڈیا پر پابندی اس امرکی غمازی کرتی ہے کہ طالبان رجیم کی مکمل سرپرستی میں افغانستان میں دہشتگردوں کے ٹھکانے موجود ہیں۔

🚨پاکستان کے ہاتھوں بدترین ہزیمت،افغان طالبان رجیم کی میڈیا پر سچ کو چھپانے کی کوشش۔۔افغان طالبان رجیم نے آپریشن غضب للحق میں پاکستان کے ہاتھوں رسوائی کو چھپانے کیلئے میڈیا پر دباو اور پابندیاں بڑھا دیں pic.twitter.com/3DT3I0cNMl

— Azaad Urdu (@azaad_urdu) March 6, 2026

یہ بھی پڑھیں : افغان حکومت کی دہشتگردوں کی پشت پناہی بے نقاب، پاکستانی فضائی کارروائی سے متاثرہ علاقوں تک میڈیا رسائی روک دی