اسلام آباد ہائیکورٹ نے بانی پی ٹی آئی عمران خان کی طرح اڈیالہ جیل میں سہولتیں مانگنے والے 3 قیدیوں کی درخواستیں خارج کردیں۔
تفصیلات کے بعد اسلام آباد ہائیکورٹ کے جسٹس محمد آصف نے اڈیالہ جیل میں قید 3 قیدیوں کی درخواستوں پر محفوظ فیصلہ کھلی عدالت میں سنایا اور تینوں درخواستیں مسترد کردیں۔
عدالت کا کہنا تھا کہ تفصیلی وجوہات تحریری فیصلے میں درج کی جائیں گی۔ ، اڈیالہ جیل کے تین قیدیوں نجی اسپتال میں علاج کرانے اور بیرون ملک مقیم اہلخانہ سے فون پر بات کرانے کی استدعا کررکھی تھیں۔
دوسری جانب سپریم کورٹ نے بانی پاکستان تحریک انصاف (پی ٹی آئی) عمران خان کی ہسپتال منتقلی کے حوالے سے عظمیٰ خان کی توہین عدالت کی درخواست جلد سماعت کیلئے مقرر کرنے کی استدعا پھر مسترد کر دی۔
خیال رہے کہ اسلام آباد ہائیکورٹ نے بانی پاکستان تحریک انصاف کو ملنے والے ریلیف کی طرز پر تین عام قیدیوں کو نجی اسپتال منتقل کرنے اور بیرونِ ملک مقیم اہلخانہ سے ٹیلیفونک رابطے کی اجازت دینے سے متعلق درخواستوں پر دلائل مکمل ہونے کے بعد فیصلہ محفوظ کیا تھا۔
By 
