تیز رفتاری کے باعث موٹر سائیکل سوار کی ہلاکت، ٹریفک وارڈن کی مدعیت میں مقدمہ درج

شادمان کے علاقے میں تیز رفتار موٹر سائیکل سوار کی ہلاکت کے معاملے پر ٹریفک وارڈن کی مدعیت میں موٹر سائیکل سوار کی تیز رفتاری کے حوالے سے ایف آئی آر درج کی گئی۔

ایس پی انویسٹیگیشن ماڈل ٹاؤن عثمان عزیز میر کے مطابق موٹر سائیکل سوار محمد زین یکم ستمبر کو زخموں کی تاب نہ لاتے ہوئے جاں بحق ہوگیا۔

متعلقہ پولیس نے ورثاء کو مزید کارروائی کے لیے ڈیڈ باڈی کا پوسٹ مارٹم کروانے کا کہا، تاہم ورثاء نے پوسٹ مارٹم نہ کروانے پر اصرار کیا۔

یہ بھی پڑھیں: جدید ٹیکنالوجی کا مظاہرہ حادثے میں بدل گیا،پولیس موبائل سے جا ٹکرائی

ایس پی انویسٹیگیشن ماڈل ٹاؤن کے مطابق 2 ستمبر کو موٹر سائیکل سوار محمد زین کے ورثاء نے مجاز عدالت کے حکم سے ڈیڈ باڈی وصول کرلی ہے۔

عثمان عزیز میر نے کہا کہ موٹر سائیکل سوار کے ورثاء کارروائی کے لیے رجوع کرتے ہیں تو قانون کے مطابق کارروائی کی جائے گی۔