By امریکا کے شہر میامی میں ایمازون کا کارگو طیارہ رن وے سے اتر کر گاڑیوں سے جا ٹکرایا، جس کے نتیجے میں 5 افراد ہلاک جبکہ متعدد زخمی ہوگئے۔
مقامی حکام کے مطابق پرائم ایئر کی پرواز 7598 اتوار کو مقامی وقت کے مطابق دوپہر تقریباً 2 بجے میامی انٹرنیشنل ایئرپورٹ کے ترچھے رن وے سے باہر نکل گئی اور زمین پر موجود متعدد گاڑیوں سے جا ٹکرائی۔
امریکی میڈیا کے مطابق حادثے کے بعد طیارے میں آگ بھڑک اٹھی، فائر بریگیڈ کی 60 گاڑیاں آگ بجھانے میں مصروف ہیں، جبکہ زخمیوں کو طبی امداد کیلئے ہسپتال منتقل کر دیا گیا ہے۔
یہ بھی پڑھیں :امریکی ریاست فلوریڈا میں چھوٹا طیارہ گرکر تباہ، ایک شخص ہلاک
حادثے کے بعد میامی ایئرپورٹ سے تمام پروازوں کی آمدورفت عارضی طور پر روک دی گئی، تاہم اتوار کی شام تک ایئرپورٹ کے چار میں سے 2 رن وے دوبارہ کھول دیے گئے تھے۔
حکام کا کہنا ہے کہ تاحال یہ معلوم نہیں ہوسکا کہ حادثہ کس وجہ سے پیش آیا، سوشل میڈیا پر شیئر کی جانے والی جائے وقوعہ کی ویڈیوز اور تصاویر میں طیارے کے اوپر گھنا سیاہ دھواں اٹھتا ہوا دکھائی دے رہا ہے۔
حادثے کا شکار ہونے والا کارگو طیارہ پورٹو ریکو سے میامی پہنچا تھا۔
🔴 La FAA annonce la fermeture jusqu’à nouvel ordre de l’aéroport de Miami suite à la violente sortie de piste du Boeing 767 de Prime Air.
Les services d’urgence de l’aéroport signalent plusieurs victimes après l’accident. pic.twitter.com/bQrNaNw97l
— air plus news (@airplusnews) September 6, 2026
ایمازون کے ترجمان کے مطابق طیارہ کارگو ایئرلائن 21 ایئر کے ذریعے ایمازون کے لیے آپریٹ کیا جا رہا تھا، 21 ایئر نے حادثے پر افسوس کا اظہار کرتے ہوئے ہلاک ہونے والوں کے اہل خانہ سے تعزیت کا اظہار کیا ہے۔
Footage shows the moment that the 21 Air Flight 7598 overran the runway and crashed at Miami International Airport. Per reports, at least 5 individuals are dead with an unspecified number of injuries. pic.twitter.com/cOKhKwoTwh
— OSINTdefender (@sentdefender) September 7, 2026
