By کوک سٹوڈیو سیزن 14 کے مقبول ترین گانے ’پسوڑی‘ نے پاکستانی موسیقی کی تاریخ میں ایک نیا باب رقم کرتے ہوئے یوٹیوب پر 1 ارب ویوز کا سنگِ میل عبور کر لیا ہے۔
علی سیٹھی اور شے گل کی جادوئی آواز میں گایا گیا یہ شاہکار یہ عالمی اعزاز حاصل کرنے والی پہلی پاکستانی میوزک ویڈیو بن گیا ہے۔
اس شاندار کامیابی پر کوک سٹوڈیو نے دنیا بھر میں موجود اپنے مداحوں کا خصوصی شکریہ ادا کیا ہے۔
View this post on Instagram
اگرچہ کوک سٹوڈیو کی جانب سے حال ہی میں متعارف کروائی گئی ’نو ویو‘صنف کو مداحوں کی جانب سے زیادہ پذیرائی نہیں مل سکی، لیکن اس بات پر سب متفق ہیں کہ 2022 میں ریلیز ہونے والا گانا ’پسوڑی‘ آج بھی لوگوں کے دلوں پر راج کر رہا ہے۔
یہ بھی پڑھیں:امریکی اور پاکستانی فنکارعلی گل کا ارتھ ڈے پر مشترکہ گانا’ساونڈ دی الارم ‘جاری
اس گانے نے اپنی بے پناہ مقبولیت کے باعث یوٹیوب پر 1 ارب ویوز کا وہ ہدف عبور کر لیا ہے جو اس سے قبل کسی پاکستانی میوزک ویڈیو نے حاصل نہیں کیا تھا۔
علی سیٹھی اور شے گل کا یہ روح پرور دوگانا 7 فروری 2022 کو ریلیز کیا گیا تھا۔ اس نے تقریباً 4 سال اور 7 ماہ کے عرصے میں یوٹیوب پر ایک ارب ویوز کا ہندسہ عبور کیا ہے۔
تاہم موسیقی کے حلقوں کے لیے یہ کوئی حیران کن بات نہیں ہے کیونکہ یہ گانا اپنی ریلیز کے پہلے دن سے ہی بے حد مقبول رہا ہے۔
اسٹریمنگ کے ریکارڈز اور کوک سٹوڈیو کا خراجِ تحسین
یہ گانا اپنی ریلیز کے سال سپوٹیفائی پر سب سے زیادہ سٹریم کیا جانے والا پاکستانی گانا تھا۔ آج بھی یہ پلیٹ فارم پر علی سیٹھی اور شے گل دونوں کا سب سے زیادہ سنا جانے والا گانا ہے، جسے اب تک تقریباً 405 ملین مرتبہ سٹریم کیا جا چکا ہے۔
اس تاریخی موقع پر کوک سٹوڈیو نے اتوار کو انسٹاگرام پر ایک پوسٹ شیئر کی جس میں ان تمام لوگوں کا شکریہ ادا کیا گیا، ’جنہوں نے پلے کا بٹن دبایا، ساتھ گایا اور پسوڑی کو اپنا بنا لیا۔‘
اس کے علاوہ کوک سٹوڈیو نے ایک ویڈیو ریل بھی پوسٹ کی جس میں گلوکاروں کے ساتھ ساتھ میوزک پروڈیوسرز ذوالفقار خان (زلفی) اور عبداللہ صدیقی بھی موجود تھے، جنہوں نے اس سنگِ میل تک پہنچنے میں مدد کرنے پر مداحوں کا شکریہ ادا کیا۔
عالمی سطح پر بازگشت، ریمکس اور بالی ووڈ تنازع
’پسوڑی‘ شروع سے ہی ایک عالمی سنسنیشن بن گیا تھا اور اس نے پاکستان، بھارت اور برصغیر سے باہر بھی بے شمار گلوکاروں کو اس کے کوور سانگز گانے پر مجبور کیا۔
اس گانے کی مقبولیت کا اندازہ اس بات سے لگایا جا سکتا ہے کہ اسے ڈزنی کی مشہور سیریز ’مس مارول‘ کے ساؤنڈ ٹریک میں شامل کیا گیا، جس کی مرکزی کردار ایک پاکستانی نژاد امریکی لڑکی تھی۔
View this post on Instagram
